Барчага қироллик оиласини кузатиш қизиқ бўлса керак, шундай эмасми? Ва ундан ҳам қизиқроғи – уларнинг сирларини ўрганиш. Қуйида қироллик оиласи хонимларининг гўзаллик ҳақидаги ғайриоддий лайфхаклари билан танишиш мумкин.
Меган Маркл – тиш чўткасида сочини текислайди
Меган махсус кичкина чўтка бўлмаса, пахмоқ сочларини тиш чўткаси ёрдами билан текислайди. У аввал сочлар учун лакни сепади ва бошидаги пахмоқларни мулойимлик билан силлиқлайди. Мана, қисқа вақт ичида хоним қандай қилиб замонавий услубга эришади!
У ҳар доим сумкасида чой дарахти мойини олиб юради
«Бу энг гламур нарса эмас, лекин бирор ер кесилиб кетса, чивин чақса, ҳуснбузар ёки бошқа бирор нарса чиқса, деярли ҳар доим чой дарахти ёғи ёрдамга келиши мумкин. Ушбу восита арзон бўлиб, энг кичик сумкачага ҳам осонликча сиғади», – дейди Меган Allure журналига.
Кейт Миддлтон – ажинларга қарши наъматак мойи
Кейт тери парваришида Trilogy Certified Organic Rosehip мойидан фойдаланади. Одатда ушбу восита экодўконларда сотилади. Унинг таркибида терини озиқлантирадиган ва ёшликни узоқ вақт сақлашга ёрдам берадиган кўплаб ёғ кислоталари мавжуд.
Қиролича Елизавета II – кўп функцияли воситалар
Маълум бўлишича, қиролича Elizabeth Arden’нинг гўзаллик маҳсулотларидан фойдаланади. Бренд вакили ўз интервьюсида қиролича стилистига доимо мазкур маҳсулотларни буюртма қилишини маълум қилган. Унинг энг севимлиларидан бири бу таниқли «Eight Hour Cream» – терини ҳимоя қилиш воситасидир. У ўзининг кўп қирралилиги билан ажралиб туради: маҳсулот намлаш ва тиклаш учун юзга, қўлларга, тирноқ ва тирсакларга ҳам қўлланилиши мумкин.
Малика Диана – розацеага қарши уй ниқоби
Ҳамма малика Диананинг мукаммал териси ҳақида эшитган эди, лекин камдан кам одам унинг розацеа тери касаллиги мавжудлигини биларди. Баъзилар малика пушти ёноқларини тинчлантириш учун атиргул мойи ва авакадо ниқобларидан фойдаланганлиги ҳақида ёзган.
Изоҳ (0)