Франция республика прокурори Алекс Перрен 8 июнь куни мамлакат президенти Эммануэль Макронга тарсаки туширган 28 ёшли Дамьен Тарелга тўрт ойлик қамоқ жазоси берилганини маълум қилди, деб ёзмоқда Le Figaro.
Тарель жами 18 ойлик қамоқ жазосига ҳукм қилинган, бироқ мазкур муддатнинг 14 ойида кечиктирувчи сабаблар мавжуд, дея ҳолатга аниқлик киритган BFMTV. Агар у қамоқхонада муддатни ўтаб бўлганидан кейин ишласа ёки ўқиса, психолог кузатуви остида юрса ва янги қоидабузарликлар содир этмаса, қамоқхонага қайтарилмайди.
Бундан ташқари Тарелга яқин беш йил ичида қўлига қурол олиш ёки уни сақлаш ҳам тақиқлаб қўйилди, уч йил давомида давлат идораларидаги лавозимларда ишлаш ҳам ман этилди.
Тарелнинг иши икки кун давомида кўриб чиқилди. У сўроқлар вақтида президентни табиий равишда ҳеч нарсани ўйламасдан урганлигини ва бу орқали ўз норозилигини ошкор қилганини билдирди. Шунингдек, 28 ёшли фуқаро «сариқ нимчалилар» ҳаракатига яқин эканлиги, бироқ ўнг ва ультра-ўнг қарашларга қўшилмаслигини айтди. У ҳеч бир партиянинг аъзоси эмас ва ўзини Ўрта асрлар ва жанг санъатлари маҳаллий ҳаваскорлар мангаси иштирокчиси эканлигини қайд этди.
Прокурор судланувчига 18 ойлик озодликдан маҳрум қилиш жазоси тайинлашни сўраган, Тарелнинг адвокати эса мижозининг бошқа бу каби ҳаракатларни амалга оширмаслигини таъкидлаган.
Тарель Макронни у Дром департаментига борган ва маҳаллий аҳоли билан учрашишга чиққан вақтида урган. Ҳужум уюштирганидан кейин уни ҳибсга олишган.
https://twitter.com/i/status/1402237903376367627
Франция президенти ҳолат бўйича судга шикоят қилмади ва ҳодисага ортиқча эътибор қаратмасликка қарор қилди.
Кейинчалик у мазкур ҳужумни аҳмоқона ва зўравонларча қилинган ҳаракат деб атаб, тарсакида тажовузкорлик кўрмагани ҳақида гапирди. Шунингдек, Макрон ушбу ҳодисада ижобий ўзгариш, яъни мамлакатнинг локдаунлардан кейин одатий ҳаёт тарзига қайтаётганининг белгисини кўриш кераклигини таъкидлаб ўтди.
Изоҳ (0)