Fransiya respublika prokurori Aleks Perren 8-iyun kuni mamlakat prezidenti Emmanuel Makronga tarsaki tushirgan 28 yoshli Damyen Tarelga to‘rt oylik qamoq jazosi berilganini ma’lum qildi, deb yozmoqda Le Figaro.
Tarel jami 18 oylik qamoq jazosiga hukm qilingan, biroq mazkur muddatning 14 oyida kechiktiruvchi sabablar mavjud, deya holatga aniqlik kiritgan BFMTV. Agar u qamoqxonada muddatni o‘tab bo‘lganidan keyin ishlasa yoki o‘qisa, psixolog kuzatuvi ostida yursa va yangi qoidabuzarliklar sodir etmasa, qamoqxonaga qaytarilmaydi.
Bundan tashqari Tarelga yaqin besh yil ichida qo‘liga qurol olish yoki uni saqlash ham taqiqlab qo‘yildi, uch yil davomida davlat idoralaridagi lavozimlarda ishlash ham man etildi.
Tarelning ishi ikki kun davomida ko‘rib chiqildi. U so‘roqlar vaqtida prezidentni tabiiy ravishda hech narsani o‘ylamasdan urganligini va bu orqali o‘z noroziligini oshkor qilganini bildirdi. Shuningdek, 28 yoshli fuqaro “sariq nimchalilar” harakatiga yaqin ekanligi, biroq o‘ng va ultra-o‘ng qarashlarga qo‘shilmasligini aytdi. U hech bir partiyaning a’zosi emas va o‘zini O‘rta asrlar va jang san’atlari mahalliy havaskorlar mangasi ishtirokchisi ekanligini qayd etdi.
Prokuror sudlanuvchiga 18 oylik ozodlikdan mahrum qilish jazosi tayinlashni so‘ragan, Tarelning advokati esa mijozining boshqa bu kabi harakatlarni amalga oshirmasligini ta’kidlagan.
Tarel Makronni u Drom departamentiga borgan va mahalliy aholi bilan uchrashishga chiqqan vaqtida urgan. Hujum uyushtirganidan keyin uni hibsga olishgan.
#Macron se fait gifler en direct de #Tain pic.twitter.com/tsXdByo22U
— Alex ⚜️ (@AlexpLille) June 8, 2021
Fransiya prezidenti holat bo‘yicha sudga shikoyat qilmadi va hodisaga ortiqcha e’tibor qaratmaslikka qaror qildi.
Keyinchalik u mazkur hujumni ahmoqona va zo‘ravonlarcha qilingan harakat deb atab, tarsakida tajovuzkorlik ko‘rmagani haqida gapirdi. Shuningdek, Makron ushbu hodisada ijobiy o‘zgarish, ya’ni mamlakatning lokdaunlardan keyin odatiy hayot tarziga qaytayotganining belgisini ko‘rish kerakligini ta’kidlab o‘tdi.
Izoh (0)