- Англия
- Хорватия
- Чехия
- Шотландия
Англия
- Бош мураббий: Гарет Саутгейт
- ФИФА рейтинги: 4-ўрин
- Евродаги энг яхши натижаси: 3-ўрин (1996)
- Юлдуз футболчилар: Ҳарри Кейн, Маркус Рэшфорд, Ҳарри Магуайр...
Футбол ватани бўлган Англия Европанинг энг нуфузли мусобақасида ҳамон бош совринсиз қолмоқда. Жамоа шу кунга қадар ҳатто мусобақа финалига ҳам чиқа олмаган. Юлдузли таркибга эга жамоа шубҳасиз мусобақа фаворитлари сифатида эътироф этиш мумкин. ЖЧ—2018 да ёмон кўринмаган жамоа сўнгги уч йил ичида яна кўплаб иқтидор эгалари билан бойитилди. Маълумот ўрнида, Англия мусобақанинг энг ёш жамоаларидан бири ҳисобланади (ўртача 25,2 ёш), жамоа бу борада фақат Туркиядан (24,9) ортда қолган. Англия бу мусобақада мухлислар узоқ кутган чемпионликни қўлга киритишга ҳаракат қилади. Финал «Уэмбли»да ўтишини инобатга олсак, бу икки ҳисса мотивация бериши тайин.
Англиянинг Евро—2020 учун қайдномаси:
Дарвозабонлар: Дин Ҳендерсон («Манчестер Юнайтед»), Сем Жонстон («Вест Бромвич»), Жордан Пикфорд («Эвертон»);
Ҳимоячилар: Бен Уайт («Брайтон»), Бен Чилуэлл, Рис Жеймс (иккиси — «Челси»), Конор Коуди («Вулверҳэмптон»), Ҳарри Магуайр, Люк Шоу (иккиси — «Манчестер Юнайтед»), Тайрон Мингз («Астон Вилла»), Жон Стоунз, Кайл Уокер (иккиси — «Манчестер Сити»), Киран Триппьер («Атлетико»);
Ярим ҳимоячилар: Жуд Беллингҳем, Жейдон Санчо (иккиси — «Боруссия Д»), Фил Фоден («Манчестер Сити»), Жек Грилиш («Астон Вилла»), Жордан Ҳендерсон («Ливерпуль»), Мэйсон Маунт («Челси»), Келвин Филлипс («Лидс»), Деклан Райс («Вест Ҳэм»), Букайо Сака («Арсенал»);
Ҳужумчилар: Доминик Кэлверт-Льюин («Эвертон»), Маркус Рэшфорд («Манчестер Юнайтед»), Ҳарри Кейн («Тоттенҳэм»), Раҳим Стерлинг («Манчестер Сити»).
Хорватия
- Бош мураббий: Златко Далич
- ФИФА рейтинги: 14-ўрин
- Евродаги энг яхши натижаси: Чорак финал (1996, 2008)
- Юлдуз футболчилар: Лука Модрич, Иван Ракитич, Иван Перишич.
ЖЧ—2018 финалчиси уч йил аввалги таркибни деярли сақлаб қолган ҳолда Европа чемпионатида иштирок этади. Хорватларнинг кўплаб юлдузлари учун бу Евро катта эҳтимол билан сўнгиси бўлади.
Евро—2020 учун Хорватия терма жамоаси қайдномаси:
Дарвозабонлар: Ловре Калинич («Ҳайдук»), Доминик Ливакович («Динамо», Загреб), Симон Слуга («Лутон»);
Ҳимоячилар: Домагой Вида («Бешиктош»), Деян Ловрен («Зенит»), Шиме Врсалько («Атлетико»), Борна Баришич («Рейнжерс»), Дуе Чалета-Цар («Марсель»), Йосип Юранович («Легия»), Домагой Брадарич («Лилль»), Миле Шкорич («Осиек»), Йошко Гвардиол («Динамо», Загреб);
Яримҳимоячилар: Лука Модрич («Реал»), Матео Ковачич («Челси»), Марсело Брозович («Интер»), Милан Бадель («Женоа»), Марио Пашалич («Аталанта»), Никола Влашич («ЦСКА»), Лука Иванушец («Динамо», Загреб);
Ҳужумчилар: Иван Перишич («Интер»), Андрей Крамарич («Ҳоффенҳайм»), Анте Ребич («Милан»), Йосип Брекало («Вольфсбург»), Бруно Петкович, Мирослав Оршич (иккиси — «Динамо», Загреб), Анте Будимир («Осасуна»).
Чехия
- Бош мураббий: Ярослав Шилгавий
- ФИФА рейтинги: 40-ўрин
- Евродаги энг яхши натижаси: Чорак финал (1996, 2008)
- Юлдуз футболчилар: Томаш Вацлик, Томаш Соучек, Патрик Шик.
Чехия терма жамоаси алоҳида давлат сифатида ажралиб чиққандан (1992 йилда Чехословакиядан) буён мунтазам Еврода иштирок этиб келмоқда. 2004 йилги мусобақада жамоа ярим финалга қадар етиб борган ва бўлажак чемпион Грецияга сўнгги дақиқаларда имкониятни бой бериб қўйганди. Бироқ сўнгги вақтларда жамоа ўз натижалари билан у қадар мақтана олмайди, бундан ташқари уларда барқарор таркиб ҳам йўқ.
Чехиянинг Евро—2020 учун қайдномаси билан танишинг:
Дарвозабонлар: Алеш Мандоус («Сигма»), Томаш Вацлик («Севилья»), Иржи Павленка («Вердер»);
Ҳимоячилар: Томаш Калас («Бристол Сити»), Онржей Челюстка («Спарта»), Якуб Брабец («Виктория Плзен»), Ян Боржил, Давид Зима (иккиси «Славия»), Владимир Коуфал («Вест Ҳэм»), Павел Кадержабек («Ҳоффенҳайм»), Алеш Матею («Брешиа»);
Яримҳимоячилар: Владимир Дарида («Ҳерта»), Томаш Соучек («Вест Ҳэм»), Алекс Крал («Спартак Москва»), Лукаш Масопуст, Петр Шевчик, Томаш Ҳолеш (барчаси «Славия»), Антонин Барак («Верона»), Якуб Пешек («Либерец»);
Ҳужумчилар: Патрик Шик («Байер»), Михал Крменчик («ПАОК»), Матей Видра («Бёрнли»), Томаш Пекхарт («Легия»).
Шотландия
- Бош мураббий: Стив Кларк
- ФИФА рейтинги: 44-ўрин
- Евродаги энг яхши натижаси: Гуруҳ босқичи (1992, 1996)
- Юлдуз футболчилар: Эндрю Робертсон, Скотт Мактоминей, Киран Тирни.
Шотландлар 1996 йилдан бери илк бор Европа чемпионати йўлланмасига эга бўлди. Шотландия бу даражага етиб келишида шаклланаётган ёш авлод вакилларининг ҳам ўрни беқиёс. Шотландия Робертсон, Тирни каби ҳимоячилар, ярим ҳимояда эса Мактоминей, Гилмор сингари юлдузлар билан ёмон ўйин кўрсатмаяпти.
Шотландиянинг Евро—2020 учун қайдномаси:
Дарвозабонлар: Крейг Гордон («Мидлотиан»), Дэвид Маршалл («Дерби Каунти»), Жон Маклафлин («Рейнжерс»);
Ҳимоячилар: Лиам Купер («Лидс»), Деклан Галлахер («Мазервелл»), Грант Ҳенли («Норвич»), Жек Ҳендри («Ostenде»), Скотт Маккенна («Ноттингем Форест»), Стивен О'Доннелл («Мазервелл»), Natan Паттерсон («Рейнжерс»), Эндрю Робертсон («Ливерпуль»), Грег Тэйлор («Селтик»), Киран Тирни («Арсенал»);
Яримҳимоячилар: Стюарт Армстронг («Саутҳэмптон»), Райан Кристи («Селтик»), Жон Флек («Шеффилд Юнайтед»), Билли Гилмор («Челси»), Жон Макгинн («Астон Вилла»), Каллум Макгрегор («Селтик»), Скотт Мактоминей («Манчестер Юнайтед»), Дэвид Тернбулл («Селтик»);
Ҳужумчилар: Че Адамс («Саутҳэмптон»), Линдон Дайкс («Куинз Парк Рейнжерс»), Жеймс Форрест («Селтик»), Райан Фрэйзер («Ньюкасл»), Кевин Нисбет («Ҳиберниан»).
Европа чемпионати 11 июнда Туркия ва Италия терма жамоалари ўртасидаги баҳс билан бошланади. Мусобақанинг финал ўйини 11 июлга мўлжалланган.
Нодирхон Ҳамидхонов тайёрлади
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)