УЕФА Суперлигада қолишга қарор қилган «Реал», «Барселона» ва «Ювентус»га қарши ишларни тўхтатди. Бу ҳақда ташкилот расмий сайтида маълум қилинди.
Суперлига лойиҳаси туфайли УЕФАнинг норматив-ҳуқуқий базаси бузилганлиги учун ушбу жамоаларга нисбатан май ойининг сўнгида интизомий иш чоралари бошланган эди.
Аввалроқ Суперлига ташкилотчилари УЕФА ва ФИФА рақобат қоидаларини бузгани учун Евроиттифоқ судига ариза топширган эди.
2021 йилнинг 18 апрель куни 12 клуб бошчилигида Европа Суперлигасига асос солинганди. Орадан икки кун ўтиб қатор клублар бирин-кетин лойиҳани тарк эта бошлади ва Суперлига лойиҳаси вақтинча тўхтатилди. Айни дамда фақат «Реал», «Барселона» ва «Ювентус» лойиҳадан воз кечмаган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)