Наманган вилояти ҳокими Шавкат Абдураззақов бошчилигидаги делегация Қирғизистоннинг Жалолобод вилоятига келди. Бу ҳақда «Дарё» мухбири Азизбек Абдувалиев хабар бермоқда.
Делегация таркибидан вилоят ҳокимининг ўринбосарлари, сектор раҳбарлари, тадбиркорлар, санъаткорлар ва ОАВ вакиллари, қарийб 50 киши ўрин олди.
Жалолобод шаҳрида Шавкат Абдураззақов Қирғизистон ҳукуматининг вилоятдаги ваколатли вакили Абдусаттор Сирғабоев билан музокаралар ўтказди.
Музокаралар чоғида икки вилоят ўртасида иқтисодий алоқаларни ривожлантириш, чегара пунктларини очиш, қўшма корхоналар ташкил этиш ва бошқа масалалар кўриб чиқилди.
Шундан сўнг Шавкат Абдураззақов Жалолобод фаоллари, хусусан, вилоятда аҳолининг салмоқли қисмини ташкил этувчи ўзбекларнинг вакиллари билан учрашди.
Наманган делегацияси Жалолободдаги Келечек, Мира, «Двойняшки» каби брендларга тегишли компаниялар ва тошни қайта ишлаш корхонаси фаолияти билан танишди.
Делегациянинг Жалолобод вилоятига сафари давом этмоқда. Бугун икки вилоят тадбиркорлари иштирокида бизнес-форум ва юзма-юз мулоқотлар ўтказилиши режалаштирилган.
Маълумот учун, Наманган ва Жалолобод вилоятлари биродарлашган ҳудудлар саналади.
Изоҳ (0)