Ferrari компанияси ўзининг биринчи Purosangue кроссовери устида иш олиб бораётган бир вақтда Classic Driver сайтида унинг «узоқ қариндоши» сотувга қўйилди. Эълонда автомобиль Jeep Grand Wagoneer дейилган бўлса-да, унинг ярми Ferrari ҳисобланади. Чунки ноодатий машинанинг олд қисм кузови Ferrari 365 GТ 2+2’га тегишли, двигатели ҳам V12, деб хабар беради Motor.
Jerrari номини олган автомобиль Harrah’s Hotel & Casinos эгаси ҳисобланувчи коллекционер Уильям Харра сабаб пайдо бўлган. Ноодатий автомобилнинг донорига Харранинг ўзига тегишли 1969 йилда ишлаб чиқарилган Jeep Wagoneer ва ЙТҲда шикаст етган Ferrari 365 GТ 2+2 айланган. Сотувчининг сўзларига кўра, бизнесменнинг механиги қорли йўлда Ferrari’ни ҳайдаётиб, бошқарувни йўқотган ва аварияга учраган — шундан сўнг Харра тўлиқ узатмали Ferrari’га эга бўлишни хоҳлаб қолган. Бунинг учун у ҳатто тўғридан-тўғри Энсога мурожаат қилган, бироқ рад жавобини олган.
Бироқ автомобиль барибир яратилган, коллекционернинг ўз кучлари билан бўлса-да. Харранинг механиклари жамоаси Ferrari 365 GТ 2+2 нинг олд қисмини Wagoneer кузовига кийгизган ва ҳатто 320 от кучини тақдим этувчи 4,4 литрли В12 двигателини Jeep’нинг уч поғонали трансмиссиясига улашга муваффақ бўлган (бошқа бир версияга кўра, Jerrari’га Италия спорткарининг беш поғонали «механик» узатмалар қутиси ўрнатилган). Йўлтанламас нархи аввалига оқ рангда бўлган, кейинроқ у Харранинг севимли ранги — яшил Racing Green’га бўялган.
«Яшил махлуқ» номини олган автомобиль бир неча бор журнал ва китобларда тилга олинган, кейинроқ эса ўринини Jerrari 2’га бўшатиб берган.
Бу сафарги Wagoneer’нинг ташқи кўриниши 1977 йилги нусха бўлиб, унга тегинилмаган: йўлтанламасга 12 цилиндрли двигатель сиғиши учун капоти узайтирилган. Биринчи машинага 5,7 литрли Chevrolet V8 агрегати қайтарилган, 1978 йилда Харранинг ўлимидан сўнг, барча коллекция сотиб юборилган. 2008 йилдан биринчи Jerrari Германияга олиб келинган ва ҳамон у ерда сақланмоқда. Машина ҳозирга қадар 11 минг километрдан ортиқ йўл босган. Сотувчи автомобиль нархини фақат сўров бўйича эълон қилишга тайёр.
Изоҳ (0)