YouTube’даги Alain B канали муаллифи Lego конструктори ёрдамида яратилган GMC Hummer EV’нинг митти нусхасининг видеоролиги билан бўлишди, деб хабар беради Motor. Машина оригиналига жуда ўхшаши билан бирга, ўйинчоқ пикапнинг қатор функциялари ишлайди.
Ўйинчоқ Hummer EV’ни яратишда муаллиф оригинал моделнинг барча пропорцияларидан жуда катта аниқликда нусха олган, шунингдек, ташқи дизайн ва интерьери элементлари ҳақиқий пикапникидек. Блогер митти моделни ечиладиган том панели, очилувчи юк бўлмаси эшиги, шунингдек, ёруғлик диодлар билан жиҳозлаган.
Ўйинчоқ Hummer электромотор ва тўлиқ бошқарилувчи шасси ёрдамида мустақил ҳаракатлана олади. Бундан ташқари, моделнинг йўл усти билан орасидаги масофасини ўзгартириш ва ҳатто «қисқичбақа режими»да диагонали бўйлаб ҳаракатлантириш мумкин. Ўйинчоқнинг юкхонасига бирор юк жойлаштирилса, Hummer аввалига «ўтиради» ва шундан сўнг, клиренсни қайта тиклайди. Бу каби ўзини ўзи мувозанатлаш функцияси ҳақиқий пикапда ҳам мавжуд.
Блогер ҳақиқийсига жуда ўхшаш нусхани яратишда 2200 та эҳтиёт қисмдан фойдаланган. Муаллиф ўз пикапини экспертлар комиссияси энг яхши қўлбола лойиҳаларни аниқлайдиган Lego Ideas танловига қўйиш ниятида. Ҳиммер EV муваффақиятга эришган тақдирда, у Дания конструкторининг расмий линейкасидан ўрин олади.
Аввалроқ Lego ишлайдиган «подвеска»га эга Jeep Wrangler модели жамланмасини тақдим этгани тўғрисида хабар берилганди.
Мавзуга доир: Lego «Арвоҳ овчилари» фильмидаги машҳур Cadillac конструкторини яратди (фото)
Изоҳ (0)