Голливуднинг энг садоқатли актёрлари (фото)

Йиллар, турли қийинчилик ва машҳурлик ҳам муносабатларига таъсир қилмаган, содиқлигига қойил қолса арзийдиган машҳурлар ҳақида маълумот бериб ўтамиз.

Том Ҳэнкс

Актёр 30 йилдан буён турмуш ўртоғи билан уйғун ҳаёт кечиради. Бир кўришда севиб қолган рафиқасига бўлган туйғулари кунлар ўтса ҳамки, сўнмайди. Интервьюлардан бирида Том мунтазам равишда рафиқасига хат ёзиши ва уларни тўплашини маълум қилади. Турмуш ўртоғи билан фахрланадиган актёр ҳамиша унга содиқ бўлишга ҳаракат қилади.

Игорь Крутой

Композитор Россияда, унинг рафиқаси Олга эса Америкада яшашига қарамай рус шоу-бизнесининг ҳавас қилса арзийдиган жуфтликларидан бири ҳисобланади. Жуфтликнинг самимий муносабатларига масофалар таъсир қилмайди. Игорь рафиқасини ҳаётидаги асосий аёл деб ҳисоблайди.

Райан Рейнольдс

Рафиқасига 8 йилдан ортиқ вақтдан буён содиқ ҳисобланган Райан шахсий ҳаёти ҳақидаги маълумотларни овоза қилишни истамайди. Биргаликда ҳамиша бахтли кўринган жуфтликнинг омма олдига биргаликда чиқиши ва уч нафар фарзанди борлигига ҳавас қилса арзийди.

Уилл Смит

Уилл 24 йилдан ортиқ вақтдан буён рафиқаси билан бахтли ҳаёт кечиради. 2018 йилда уларнинг ажрашиши ҳақида миш-миш тарқалган, аммо актёр Instagram саҳифасига рафиқаси билан тушган видео жойлаб, бу нотўғри эканини билдирган. Рафиқаси Жада берган интервьюлардан бирида муносабатлари жуда ҳам ўзига хослиги ва бу ажойиблигини таъкидлаган.

Ҳью Жекман

Кўпчилик Голливуд юлдузининг ўзидан 13 ёш катта рафиқаси билан муносабатлари узоққа бормайди деб ҳисоблаган. Аммо актёр 25 йилдан кўпроқ вақтдан буён рафиқаси билан бирга. Буни муҳаббатга ёш тўсқинлик қила олмаслигининг ёрқин мисоли дейиш мумкин. Улар турмуш қуришга қарор қилганида актёр 28, рафиқаси эса 41 ёшда эди. Жекман интервьюларида Деборра унинг ҳаётига мазмун бахш этганини кўп бор такрорлайди.

Курт Рассел

1967 йил суратга олиш майдончасида танишган юлдузлар бу вақтда бир-бирига эътибор бермаган. Орадан 20 йил ўтиб қайта кўришганида эса уларнинг ҳар иккиси ҳам турмуш қуриб, ажрашган бўлган. Бир-бирига ошиқ бўлган жуфтлик 30 йилдан буён бирга яшайди. «Биз Голди билан ҳар куни бахтдан масрурмиз ва бир-биримизнинг кайфиятимизни кўтарамиз. Яна нима керак?» — дейди Курт.

Кирк Дуглас

Кирк Дуглас ва Энн Байденс қийинчиликларга қарамай, 66 йил бахтли ҳаёт кечириш мумкинлигининг исботи. Жуфтлик 1954 йилда турмуш қурган. Кирк 2020 йил 103 ёшида вафот этган, бу вақтда Энн 102 ёшда бўлган.