Америкалик машҳур хонанда Майли Сайрус, Magnum Ice Cream музқаймоқ бренди билан ҳамкорликда Miley in layers номли виртуал концерт дастурига тайёргарлик кўрмоқда. Натижа 10 июнь куни компания сайтида эълон қилинади, деб ёзади «Korrespondent.net».
Маълум қилинишича, трансляция вақтида Майли Plastic Hearts альбомидаги энг машҳур қўшиқларни куйлаш билан бирга Midnight Star гуруҳининг 80 йиллардаги хити Midas Touch’ни кавер-версиясини Miley’s Touch’гаўзгартириб куйлайди.
«Бизнинг энг катта супер кучимиз — бу бизнинг ўзига хослигимиз. Хонанда сифатида ривожланиб бориш жараёнида — студияда қўшиқ ёзганда, минглаб мухлислар олдида чиқиш қилганда ёки ўзимни кучли ҳис қиладиган нарсаларни кийганда ўзимнинг кимлигим ва менга завқ бағишлайдиган турли хил қатламларни ўрганишга муваффақ бўлдим. Менинг ҳаётдаги энг катта ҳузур-ҳаловатим — мусиқа ва мен барчангиз учун 8D форматда куйлашдан жуда хурсандман», — деб ёзган хонанда. Компания ва Сайрус ўртасида тузилган шартнома суммаси 20 миллион долларни ташкил қилади, дейилади хабарда.
Изоҳ (0)