Ҳар доим ҳам бир қарашда муҳаббат бўлавермайди. Қуйидаги юлдузли жуфтликлар ўзаро нафрат, ёқтирмаслик ёки бефарқликдан кейингина кучли муносабатларни ўрнатишга муваффақ бўлган.
Мила Кунис ва Эштон Кутчер
Жуфтлик 1998 йил «Шоу 70-Х» ситкоми суратга олинаётган вақтда учрашган. Мила ўшанда 14 ёш, Эштон эса 19 ёшда бўлган. Жуфтликнинг яқинлари Эштон ва Мила суратга олиш давомида дўст эмаслигини таъкидлаган. Аслида улар бир-биридан ортда қолишни истамаган. Ажабланарлиси шундаки, бугунги кунда Кунис ва Кутчер турмуш қурган ва икки фарзанди бор: Уаятт исмли қизи ва ўғли Димитрий.
Коул Спроус ва Лили Рейнхарт
«Ривердейл» сериали юлдузлари Лили Рейнхарт ва Коул Спроус икки йил давомида учрашиб юрди ва уларнинг муносабати жамоатчилик назорати остида давом этмоқда. Қизиғи шундаки, Спроус ва Рейнхарт дарҳол бир-бирини ёқтирмаган, чунки дастлаб Рейнхарт дастлаб унга эътибор бермаган. Интервьюларнинг бирида актриса Коул ҳақидаги илк таассуротини ўртоқлашган: «Мен бу одамнинг овозини ёқимсиз деб ўйлаганман. Ҳозир ўрганиб қолгандирман, эҳтимол». Ажралиш ҳақидаги миш-мишларга қарамасдан, жуфтлик ҳамон бирга ва айрилиқни режа қилмаган.
Моника Беллуччи ва Венсан Кассел
Моника Беллуччи ва Венсан Кассел муносабатларни ўзаро нафрат билан бошлаган. Жуфтлик 1996 йилда «Хонадон» картинасининг суратга олиш майдончасида учрашган ва ўша заҳотиёқ бир-бирларини ёқтирмаган. Кассел Беллуччига жуда мағрур бўлиб туюлган ва француз актёри эса актрисани бош ролга муносиб деб билмаган. Муваффақиятсиз танишишга қарамай, Моника ва Венсан никоҳи 14 йил давом этди.
Райан Гослинг ва Рейчел Мак-Адамс
«Хотира кундалиги» фильмидаги ҳамкорлик Райан ва Рейчел учун ҳақиқий синов бўлди. Улар, албатта, суратга олиш жараёнида бир-бирини ёқтириб қолмаган. Фильм режиссёрининг кейинчалик маълум қилишича, Райан ҳаттоки унга Рейчелнинг ўрнига бошқа актрисани таклиф қилиш ҳақида гапирган. Суратга олиш жараёнининг охирига келиб, ўзаро душманлик тўхтаган ва жуфтлик ўртасида уч йилдан буён давом этаётган ишқий муносабатлар бошланган.
Изоҳ (0)