Рафиқаларига қимматбаҳо машина совға қилган Моргенштерн, Жиган ва бошқа россиялик машҳурлар

Сўнгги вақтларда россиялик машҳурлар рафиқалари ва суюклилари учун нафақат янги автомобиллар совға қилмоқда, балки мухлисларига бу ҳақда қувонч билан мақтанишмоқда.

Тимати (Тимур Юнусов) — Mercedes-Benz G500 йўлтанламаси ва Илон Маск пикапи

«Бақлажон» хитининг ижрочиси қизи Элис туғилгандан сўнг модель Алёна Шишковага ҳозиргача фойдаланаётган оппоқ йўлтанламасни совға қилган. Кейинчалик 2018 йилда Тимати янги севгилиси Анастасия Решетовага ҳашаматли қора Mercedes-Benz G500 4х4 совға қилди. Бундай машинанинг нархи 20 миллион рублдан бошланади.

2019 йилда модель Ратмир исмли ўғил фарзандини дунёга келтирди. Боши кўкка етган мусиқачи у учун оддий автомобиль эмас, балки Илон Маск ишлаб чиқараётган «келажак машинаси»га тўлов қилди. Ушбу пикапни уч йил кутишга тўғри келган бўлса-да, мазкур совға Тимур Юнусовга анча арзонга тушди — атиги 4,5 миллион рубль.

Т-killah (Александр Тарасов) — Porsche Cayenne

2019 йилда ижрочи севимли рафиқаси — телебошловчи Мария Белова учун жуда ҳашаматли сюрприз уюштирган. У аёлига қора рангли Porsche Cayenne машинасини совға қилган. Бундай хорижий машинанинг нархи 10 миллион рублдан бошланади. Мария бундай совғадан хурсанд бўлган, албатта. Жуфтлик дарҳол ижтимоий тармоқларда бу ҳақда маълум қилишган.

Дмитрий Тарасов — Porsche Cayenne

Машҳур футболчи Олга Бузова билан ажрашгандан сўнг унга совға қилган оқ Mercedes’ни қайтариб олган. Ушбу қиммат машинани янги турмуш ўртоғи Анастасия Костенкога совға қилган. Бироқ тез орада Дмитрий уни қурумсоқликда айблаганларга муносиб жавоб қайтарди. 2020 йилда иккинчи қизи туғилгандан сўнг спортчи севгилисига оппоқ Porsche Cayenne харид қилди. Ушбу машинанинг нархи 5 миллион рублдан бошланади. Ўша пайтларда алиментдан қарзи бўлган Дмитрий бундай ҳашаматли совғага тўрт йилдан бери пул йиғиб юрганини айтган.

Моргенштерн (Алишер Валиев) — Range Rover

2021 йилда рэпер севгилиси Дилара Зинатуллинанинг туғилган кунини катта миқёсда нишонлади. Мусиқачи унга ҳашаматли совғалар берди. Алишер севгилисига пул билан тўлдирилган кумуш сейф ҳам тақдим қилган. Айтишларича, сейфдаги пулларнинг умумий миқдори 5 миллион рубль бўлган. Кейин у Диларага асосий совға — катта қизил бант билан безатилган қизил рангли премиум автомобиль Range Rover’ни кўрсатди. Бундай хорижий машинанинг нархи 6-7 миллион рубль орасида.

Жиган (Денис Устименко) — Rolls-Royce Ghost II

Юқоридаги сахий эркакларнинг барчасини модель Оксана Самойлованинг эри ортда қолдирди. Рэпер севгилисига Россияда биринчилардан бўлиб ҳашаматли мижозларга мўлжалланган Rolls-Royce Ghost II автомобилини сотиб олган. Улар машина океан ортидан етказиб берилишини кутишлари керак эди. Аммо совға шунга арзирди. Рафиқаси хурсандлигидан дарҳол янги машинани «кул ранг бўрон» деб номлади. 30 миллионлик автомобиль учун бу жуда оддий ном бўлса-да, шуни алоҳида қайд этиш лозимки, Оксана бу совғага лойиқ эди. Модель ҳозирда тўрт нафар фарзандининг тарбияси билан шуғулланмоқда. 2020 йилда жуфтлик Жиганнинг хиёнати ва унинг ноўрин хатти-ҳаракатлари туфайли деярли ажрашишганди. Аммо Оксана учта чиройли қизи ва ўғли учун бўлган барча ишларга кўз юмишга қарор қилди.