Сотиб олувчи (истеъмолчи) Ўзбекистон Республикаси ҳудудига сотувчи (импортер) томонидан қонуний олиб келган мобил қурилмаларнинг IMEI кодларини рўйхатдан ўтказиш учун тўловни амалга оширмаслиги керак. Рўйхатдан ўтказиш учун сотувчи (импортер) жавобгар ҳисобланади. Мобил қурилмаларни харид қилишда ҳушёр бўлиш талаб этилади, шунингдек, мобил қурилмаларнинг IMEI кодларининг рўйхатдан ўтган ҳолатини текшириш керак.
IMEI кодларини рўйхатдан ўтказиш жараёнида истеъмолчилар ўзининг шахсга доир маълумотлари бўйича муаммоларга дуч келаётганлиги сабабли, бу ўзининг паспорт маълумотларига шахсий қурилмаларининг IMEI кодларини рўйхатдан ўтказа олмасликка олиб келмоқда.
Охирги кунларда UZIMEI рўйхатдан ўтказиш тизимида хорижий мамлакатлардан келган фуқароларнинг шахсий маълумотлари, учинчи шахслар томонидан ноқонуний равишда фойдаланилаётганлиги сабабли, бу мурожаатларнинг сони кўпайишига олиб келмоқда.
UZIMEI, Давлат божхона қўмитаси, шунигдек, Ички ишлар вазирлиги паспорт маълумотларининг йўқолиши бўйича жавобгар ҳисобланмайди. Паспорт маълумотларининг эгалари, уларнинг рухсатисиз учинчи шахслар томонидан фойдаланилиши қонун ҳужжатлари билан тақиқланган.
Натижада ушбу вазиятга ойдинлик киритиш мақсадида, ҳозирги кунда Ички ишлар вазирлиги ноқонуний фаолият билан шуғулланаётган шахсларни аниқлаш бўйича тегишли ишларни амалга оширмоқда ҳамда ҳуқуқбузарларга қарши қонуний чоралар кўрилмоқда. Ким, қачон ва қаерда сизнинг шахсий маълумотларингизни ўғирлаганлиги бўйича UZIMEI рўйхатдан ўтказиш тизими ёрдамида аниқлаш имконияти мавжуд.
Асосий мақсад – истемолчиларнинг ҳуқуқларини ҳимоя қилиш, республика ҳудудига ноқонуний олиб кириш ва сифатсиз мобил қурилмалар билан савдо қилишнинг олдини олиш.
UZIMEI рўйхатдан ўтказиш тизими сизнинг қурилмангизни ҳимояловчи ва учинчи шахслар томонидан шахсий маълумотларингиз бўйича хатти-ҳаракатларнинг олдини олувчи, ягона аппаратли ҳимоя воситаси ҳисобланади. Агар кимдир сизнинг шахсий маълумотларингиздан ноқонуний фойдаланаётган бўлса, у жазоланиши керак. Ушбу вазият мобил қурилмаларни қонунсиз олиб кирувчи (контрабанда) шахсларнинг ноқонуний ҳаракати натижасида юзага келмоқда. Тизим оператори ва махсус органлар томонидан рўйхатга олиш тизимини такомиллаштириш ва аниқланган жиноятлар ва суиистеъмолчиларни йўқ қилиш бўйича катта ҳажмдаги ва доимий ишларни олиб бормоқда. Танқидчилар орасида бундан кейин ҳам қурилмаларни ноқонуний олиб киришни хоҳловчилар учрамоқда. Фирибгарлар ҳатто ўғирланган шахсий маълумотлар асосида IMEI кодини рўйхатдан ўтказиш учун белгиланган тўловларни амалга оширишга ҳамда жиноятчиларга ўғирланган шахсий маълумотлари учун ҳам тўлашга розидир. Тизим ишламоқда ва у билан эмас, балки жиноятчилар билан курашиш лозим.
UZIMEI администрацияси бегона паспорт маълумотларига рўйхатдан ўтган мобил қурилмаларини қайта расмийлаштириш, UZIMEI офиси ёки почта бўлимларига паспорт эгасининг ўзи келган ҳолда, паспорт эгасининг берган аризаси шарти билан амалга оширилишини маълум қилади.
Шунингдек, яқинда тасдиқланган қонун лойиҳасига ва бошқа шахслар томонидан шахсий маълумотлардан фойдаланиш моддасига кўра, кўрилган чоралар кучайтирилганлигини маълум қиламиз. Умид қиламанки, ушбу нормалар ҳуқуқни муҳофаза қилувчи органлар томонидан шунга ўхшаш омилларнинг олдини олишга имкон яратади. Онлайн рўйхатдан ўтказишни бекор қилиш мумкин, лекин бу истеъмолчилар томонидан маъқулланмайди.
Реклама ҳуқуқи асосида.
Изоҳ (0)