Болалар бизнинг келажагимиз ва ҳаётимиз мазмуни, энг катта орзу-умидларимизнинг мужассамлашувидир. Ҳар бир катта инсоннинг бурчи болаларни эътибор, муҳаббат ва ғамхўрлик билан ўраб олиш, уларни соғлом, ақлли ва меҳрибон қилиб тарбиялашдир. Айни пайтда давлатимиз томонидан ўсиб келаётган ёш авлодни ҳар томонлама баркамол ривожланиши учун барча шароитлар яратиб берилмоқда.
Болаларни ҳимоя қилиш куни болаларга яхшилик ва ғамхўрлик кўрсатишнинг рамзий кунига айланди.
Кўп йиллар давомида Lukoil Uzbekistan Operating Company ҳам ушбу хайрли ишга ўз ҳиссасини қўшиб келмоқда. Lukoil компаниясининг хайрия лойиҳаларининг аксарияти жисмоний имконияти чекланган болалар, оғир касалликлар билан курашаётган болажонлар, меҳрибонлик уйларининг тарбияланувчилари ва кам таъминланган оилаларнинг фарзандларини қўллаб-қувватлашга қаратилган.
Бугунги кунда Ўзбекистон Республикаси фаол демографик ўсиш босқичида турибди. Республика ушбу тенденцияни инсон капиталини ошириш йўли билан ўзгартира олади, бунга эса мактабгача ёшдан бошлаб болаларни сифатли таълим билан таъминлаш орқали эришиш мумкин.
Келажак учун пойдевор яратиш муҳимлигини англаб етган мамлакатимизнинг энг йирик сармоядорларидан бири бўлган Lukoil компанияси учта мактабгача таълим ташкилотини қуриш бўйича хайрия лойиҳасини амалга оширмоқда: Бухорода 250 ўринли, Қаршида 150 ўринли ва Тошкент вилоятида 150 ўринли. Lukoil компанияси ушбу йирик ижтимоий лойиҳани амалга ошириш учун 12 миллион АҚШ доллар ажратди.
Умумий типдаги Бухоро болалар таълим ташкилоти (БТТ) Россияда Lukoil томонидан махсус ишлаб чиқилган лойиҳа бўйича қурилмоқда. Дастлаб бундай лойиҳа Астрахан шаҳрида амалга оширилган эди. Бухородаги болалар таълим ташкилотининг икки қаватли биноси ва унга туташ умумий майдони 11 минг квадрат метрдан ортиқ ҳудуд, энг замонавий техника воситалари ва жиҳозлар, бассейн, рақс ва спорт заллари, компьютер синфлари, шунингдек, гуруҳ бинолари билан жиҳозланган бўлади. Бухородаги болалар таълим ташкилоти ҳудудида фаол ўйинлар ва спорт билан шуғулланиш учун велосипед йўлакчалари, ўтли ва хавфсиз синтетик қопламалар билан қопланган болалар майдончаларини яратиш кўзда тутилган.
Қарши ва Тошкент вилоятида қуриладиган янги болалар таълим ташкилотлари реабилитация марказларига эга, кўп тармоқли ихтисослашган ташкилотлар бўлади, шунингдек, улар ҳар йили 2 ёшдан 15 ёшгача бўлган, ривожланишида бузилиш мавжуд, тиббий реабилитацияга муҳтож 5—7 минг нафар болага хизмат кўрсатади. Махсус тиббий асбоб-ускуналар Германия, Франция, Жанубий Корея, Россия ва бошқа мамлакатлардан келтирилади.
Улар учун Нукусдаги «Имкон» реабилитация марказига эга болалар таълим ташкилоти прототип, тимсол бўлиб хизмат қилади. Ушбу лойиҳада мактабгача таълим ташкилоти ва таянч-ҳаракат аппарати, кўриш ва моторика бузилишлари, шунингдек, ақлий заиф (Даун синдроми, аутизм ва бошқалар) бўлган болалар учун реабилитация маркази бирлаштирилган.
Янги болалар таълим ташкилотларида даволаш физкултурасининг замонавий машқ заллари, физиотерапия, массаж, сенсорли хоналар, нозик моторикани ривожлантириш, ижтимоий-маиший адаптация (мослашув), мусиқа, арт-терапия, шунингдек, шифокорлар хоналари жойлашган бўлади.
Қурилиш майдонларида иш қизғин давом этмоқда. Айни пайтда келажакдаги болалар боғчалари учун бинолар ва ёрдамчи иншоотлар аллақачон қурилган, пардозлаш ишлари ва ҳудудни ободонлаштириш ишлари олиб борилмоқда. Lukoil лойиҳаси сабабли минглаб болалар сифатли мактабгача таълим олиш имкониятига эга бўлади. Қурилиш якунлангандан сўнг болалар боғчалари батамом Мактабгача таълим вазирлигига ўтказилади.
Халқаро болаларни ҳимоя қилиш кунига Lukoil болаларни яна бир совға билан хурсанд қилди. Lukoil компанияси кўмаги билан «Халқлар дўстлиги» саройининг майдонида минглаб болаларни қувонтирган болалар ансамбллари, эстрада юлдузлари, цирк артистлари ва севимли эртак қаҳрамонлари иштирокида «Менинг бахтли болалигим» деб номланган катта фестиваль бўлиб ўтди. Концертга болалар уйлари ва махсус мактаб-интернатлар тарбияланувчилари ҳам таклиф этилди.
Lukoil’нинг болаларни қўллаб-қувватлашга қаратилган ижтимоий фаолияти ҳар йили ўтказиладиган улуғвор байрамлар ва шоу дастурларни ташкил қилиш билан чекланиб қолмайди. Lukoil доимий равишда болалар уйлари ва имконияти чекланган мактаб-интернатлардаги болаларга, Тошкент онкология марказининг болалар бўлими, хайрия ва жамоат фондларига хайрия ёрдамини кўрсатиб келмоқда.
Бу Lukoil компаниясининг Ўзбекистондаги болалар ривожланиши ва таълимини қўллаб-қувватлашга қаратилган хайрия лойиҳаларининг атиги бир қисмидир. Болаларнинг орзулари ўсиб келаётган ёш авлод учун масъул бўлган катталарнинг меҳр-оқибат ва ғамхўрлик байроғи остида амалга ошади.
Lukoil компанияси томонидан Ўзбекистонда маданият, таълим, спорт ва тиббиётни ривожлантириш лойиҳаларини қўллаб-қувватлаш учун ажратилган хайрия маблағларининг умумий миқдори 25 миллион доллардан ошди.
Lukoil Uzbekistan Operating Company МЧЖ матбуот хизмати
Реклама ҳуқуқи асосида.
Изоҳ (0)