Apelsin уяли алоқа иловаси биринчи маротаба рўйхатдан ўтаётган Ucell абонентлари учун Welcome бонусларини ишга туширди.
Эътироф этиш жоизки, кишилар орасида анча оммалашишга улгурган мазкур Apelsin тўлов тизими анъанавий тарзда, ўз мижозларига турли совғалар ва бонусларни тақдим этиши билан ҳам машҳурдир. Эндиликда биринчи маротаба Ucell рақамидаги мазкур иловадан рўйхатдан ўтган фойдаланувчилар ёқимли Welcome бонусга – 1 гигабайт интернетга эга бўлади. Apelsin шу тарзда Ucell абонентларига дастурни танлагани учун ўз миннатдорчилигини билдирган ҳолда қаршилайди.
Қувонарлиси шуки, ушбу совға гигабайтни қариндошлар, дўстлар ва яқинларингизга туҳфа сифатида тақдим этишингиз ҳам мумкин. Ахир Welcome бонуси ҳар бир Ucell уяли алоқа оператори абонентининг исталган фаол prepaid рақамига улана олиш имконига эга. Совғали интернет тўплам муддати уланган кундан бошлаб, 7 кун давомида амал қилади.
Шуниси эътиборга моликки, нафақат Ucell абонентлари ушбу иловадан совғалар олиши мумкин, балки телефон ҳисобини Apelsin иловаси орқали тўлдирган барча фойдаланувчилар «бонусли апельсин»лар олиш имконига эгадир. Ҳисобингизни ҳар бир тўлдирилган 1000 сўм эвазига сиз «1 апельсин» бонусини қўлга киритасиз. Етарли миқдорда «апельсин»ларни тўплагач эса истаган вақтингизда уларни ўз уяли алоқа операторингиздан интернет тўпламларига алмаштириб олишингиз мумкин.
«Капиталбанк» бошқарув раиси ўринбосари, рақамли филиали бошқарувчиси Сергей Гимадиев «апельсин»ли бонуслар хусусида тўхталиб ўтди:
«Apelsin совғалар улашишни жуда хуш кўради. Биз янги фойдаланувчилар учун фойдали бонуслар ишлаб чиқиш ғоясини узоқ вақтдан бери ўйлаб келаётган эдик ва Welcome бонуслари бизнинг Ucell уяли алоқа оператори билан ҳамкорликда тақдим этган илк қалдирғочимиздир. Бироқ бу ҳали ҳаммаси эмас! Чунки кутилмаган ёқимли совғаларимиз шу билан тугамайди, яқин кунларда биринчи маротаба рўйхатдан ўтаётган Uztelecom абонентларини ҳам совғаларимиз билан мамнун қиламиз.
Бундан ташқари, Apelsin иловасининг амалдаги мижозларини ҳам эътибордан четда қолдирмадик. Эндиликда Ucell, Uztelecom ва Mobiuz уяли алоқа операторлари фойдаланувчилари тўловлар учун бонусли «апельсин»ларга эга бўлишади. Beeline уяли алоқа оператори абонентлари эса телефони ҳисобини бизнинг иловамиз орқали тўлдирганда, Beepul мобил иловасига келиб тушувчи бонусли балларимизни қўлга киритади».
Юқори суръатларда олға илдамлаётган замонавий ва жўшқин ҳаётнинг турли вазиятларида доимо алоқада бўлиш билан бирга исталган вақтда ва ҳар қандай жойда қулай тўлов иловаларидан фойдалана олиш жуда муҳим аҳамият касб этади. Айнан шу боис ҳам Apelsin иловаси ҳар бир фойдаланувчисини қадрлаш орқали уларга ғамхўрлик кўрсатади.
Ҳеч иккиланмасдан, том маънода шахсий молиявий кўмакчингизга айлана оладиган Apelsin қулай тўлов дастурини юклаб олинг. Зеро мазкур илова нафақат ҳаётингизни осонлаштириб гўзаллаштиради, балки ёқимли совғалар ва кўтаринки кайфият ҳам улашади!
Реклама ҳуқуқи асосида.
Изоҳ (0)