Парҳезшуносларнинг маълум қилишича, натрий хлорид, яъни тузни ҳаддан ортиқ истеъмол қилиш артериал қон босими кўтарилиши, қорин шиши ва организмда сув ушланиб қолишига олиб келади. Тадқиқотларга кўра, киши кун давомида ўртача 3400 мг туз истеъмол қилади, аммо мутахассислар бир чой қошиққача (2800 мг) бўлган миқдор меъёр эканини таъкидлайди.
Чанқаш
Натрий организмда суюқлик балансини сақлашга ёрдам беради. Парҳезшунос Менди Энрайт оз миқдорда бўлган туз одам учун кераклиги, аммо организмга ҳаддан ортиқ миқдорда кириши акс таъсир кўрсатишини таъкидлайди. Киши чанқашни ҳис қилганда тана организмдаги дисбаланс ҳақида сигнал бераётган бўлади.
Шишлар
Шўр ва тузли таомлар аксарият ҳолларда қориннинг шишига олиб келади. Сув миқдорининг камайиши билан шишлар кузатилиши мумкин бўлади. Тановулдан кейин бармоқ ва қўллар шишгани сезилади.
Бош оғриғи
Бош оғриғининг тез-тез такрорланишига организмдаги натрий хлорид миқдорининг катта миқдорда экани сабаб бўлиши мумкин. Гап шундаки, туз мия қон томирларини кенгайтиргани ҳисобига бош оғриши кузатилади.
Таом таъми
Саломатлик учун хавфли эканидан ташқари, тузли таом таъм рецепторига ҳам таъсир қилиши мумкин. Қанча кўп туз ейилса, таъм шунчалик сезиларсиз туйилади.
Ёмон оқибатлар келиб чиқишининг олдини олиш учун мутахассислар булочка, фастфуд, пицца, консерваланган шўрва, музлатилган нагецлар ҳамда колбаса маҳсулотларидан тийилишни, уйда тайёрланган таом истеъмол қилиш, унга зиравор, лимон шарбати, кўкатлар ва сирка қўшиш, шунингдек, консерваланган маҳсулотларни истеъмол қилмасликни тавсия қилади.
Изоҳ (0)