Чекиш, ортиқча вазн ва ирсият юрак-қон томир касалликларининг ривожланиш хавфини оширадиган асосий омиллардир. Аммо биз эътибордан четда қолдирадиган баъзи сабаблар ҳам мавжуд.
Мураккаб жисмоний машқлар
Агар соғлом турмуш тарзини бошлашга қарор қилиб, жисмоний машғулотлар билан шуғулланишни бошласангиз, бунинг натижаси баъзан қувонарли бўлмаслиги мумкин. Жуда узоқ ёки ўта интенсив машқлар юракка ортиқча юк бўлиши мумкин. Агар спорт рекордларини янгилашга қарор қилсангиз, тайёргарликни яхши шифокор билан режалаштиринг.
Уйқусиз тунлар
Агар кечқурун ухлолмай, у ёқдан бу ёққа ўгирилсангиз, кечаси уйғониб кетсангиз, уйқузсизлик сабабини топиш ва уйқуни яхшилаш учун, албатта, шифокорга мурожаат қилинг. Узоқ муддат давом этган уйқусизлик юрак-қон томир касалликлари хавфини сезиларли оширади.
Кўп шакар истеъмол қилиш
Ширинликлар ва оддий углеводлар (оқ нон, оқ гуруч, юқори навли ундан тайёрланган макарон) қондаги қанд миқдорининг кескин ўзгаришига олиб келади ва юрак-қон томир касалликлари хавфини оширади. Аксинча, донли нон глюкоза миқдорини барқарорлаштириши ва юрак хасталиги хавфини 9 фоизга камайтириши мумкин.
Изоҳ (0)