Бугун,

  • USD 11095.31
  • RUB 173.84
  • EUR 10772.44

Интернетда 2021 йил 28 май куни «Водийлик бўлганимиз айбимизми?» сарлавҳали видео тарқалиб, унда йўл ҳаракати қатнашчилари ва Тошкент шаҳар ИИББ ходимларининг келишмовчиликлари акс этган. Мазкур ҳолат бўйича ИИББ маълумот берди.

Қайд этилишича, видеога туширилган ҳолат 25 май куни тахминан соат 03:00 да Чилонзор тумани «Эркин» ЙПХ постида рўй берган. Мазкур постда Тошкент шаҳар ИИББ ходимлари пойтахтга кирмоқчи бўлган Chevrolet Tracker русумли (давлат рақами 60 S 355 RA) автомобилни тўхтатган.

Ҳайдовчи ва уч нафар йўловчилар текширилиб, автомобиль салони хизмат ити ёрдамида текширилганига фуқаролар норозилик билдириб, ҳолатни видеога туширишни бошлашган. Видеога тушириш давомида улар одоб доирасидан чиқиб, масофа сақламасдан ва ўзаро ҳурмат билан мулоқот қилишдан бош тортган.

Хабарда айтилишича, Тошкентга киришдаги постлар ва блок-постлардаги текширувлар «Қорадори» ва «Тиғ» махсус тадбирлар доирасида ўтказилиб, улар давомида гиёҳвандлик моддалар ва совуқ ҳамда жанговар қуролларни аниқлашга қаратилган.

«Текширувлар минтақавий мансублик сабабли ўтказилиши билан боғлиқ айбловлар асоссиз бўлиб, расмий ресурсларимизда пойтахт автомобиллари ҳам текширилиши ҳақида маълумотлар етарлидир. Мазкур тадбирларнинг бошидан буён пойтахтда тақиқланган моддаларнинг тарқалишининг олди олиниб, совуқ қуроллар мусодара қилинмоқда. Бу каби тадбирларни ўтказишнинг муҳимлигида шубҳа йўқ ва биз фуқаролардан буни тушунишларини илтимос қиламиз.

Текширув давомида Тошкент шаҳар ИИББ кинология хизмати итининг қўлланилиши тўғрисида баённома тузилиб, холислар иштироки ҳам таъминланган. Текширув ҳайдовчи ёки йўловчилар томонидан қоидабузарликни аниқламаганлиги сабабли уларнинг ҳужжатлари қайтариб берилган», – дейилади хабарда.

Тошкент шаҳар ИИББ раҳбарияти томонидан юқоридаги ҳолат бўйича хизмат давомида бодикамеранинг ёқилгани ҳамда инспекторлар томонидан мулоқот давомида қонунбузарликка йўл қўйилганини текшириш мақсадида хизмат текшируви ўтказиш топшириғи берилган.

Бундан аввал Самарқандда ҳайдовчига хизмат гувоҳномасини тақдим этишни истамаган ЙПХ ходимига хизмат текшируви тайинлангани, Самарқандда ЙПХ ходимидан қочиб, унга қаршилик кўрсатган ҳайдовчига нисбатан иш очилгани ҳамда Қорақалпоғистонда ҳайдовчига қўл кўтарган ЙПХ ходимига нисбатан хизмат текшируви ўтказилаётгани ҳақида хабар берилганди.

Изоҳ
Асосий янгиликлар
Маҳаллий
Саудиялик тадбиркор Ўзбекистонда автомашина эҳтиёт қисмлари ишлаб чиқаришга сармоя киритади 
Маҳаллий
1000 доллар ойлик олаётган ўқитувчилар, 1 млн нафардан ошган талабалар, янги қурилган 27 та ТТЖ — олий таълим вазири ўринбосари Комилжон Каримов билан эксклюзив су...
Маҳаллий
Тошкентда 3 та машина иштирокида ЙТҲ содир бўлди