Ламинация киприкларга урғу беради. Улама киприк эса бутунлай янги эффектни ҳосил қилади. Аммо ушбу гўзаллик муолажаларининг камчиликлари ҳамда афзалликлари бор.
Қалин ва қайрилган киприклар барча макияжда алоҳида ўринга эга. Ушбу таъсирга эришиш учун фақат иккита усул мавжуд – ламинация ёки киприк улаш.
Ламинация
Ламинация – бу ёқимли эстетик таъсирга эга бўлган муолажа. Бунинг учун киприкнинг қай даражада эгилиши хоҳишга кўра танланади. Киприклар эҳтиёткорлик билан ётқизилади ва навбат билан бир нечта махсус муолажалар қўлланилади. Биринчидан, киприк доналарини юмшатади, иккинчидан, уларга эгилишни беради, учинчидан, уларни зичроқ қилади ва шаклларини тузатади. Ламинациянинг таркиби мутлақо хавфсиздир – таркибида коллаген, витаминлар ва фиксатиф мавжуд. Жараён, тахминан, бир ярим соат давом этади ва таъсирнинг ўзи тахминан бир ойгача етади.
Таъсир кучи
Ламинация киприкларни визуал равишда узайтиради, уларни зичроқ қилади ва чиройли шакл беради. Жараёндан сўнг киприклар табиий кўринади. Киприкларни янада қалинлаштириш учун уларни туш билан бўяш мумкин.
Ижобий ва салбий томонлари
Биринчидан, бу киприк улашдан кўра тезроқ амалга ошади. Иккинчидан, ламинациядан сўнг киприкларни тараш ва услублаш учун доимо чўтка олиб юришнинг ҳожати йўқ. Ҳаммаси табиий кўринади. Ёстиқда юз билан ухлаш, туш билан бўяш ва қисқич билан қўшимча эгрилик қўшиш мумкин.
Салбий томони шундаки, қўшимча ҳажмни кутмаслик керак. Ламинация киприклар уланганидек аниқ ва равшан кўринмайди. Таъсири жуда табиий. Агар фотосессия учун расм ёки қўғирчоқ киприги каби яхши кўриниш керак бўлса, улама киприкни танлаган маъқул.
Киприк эктириш
Киприк эктириш ёрдамида уларнинг зичлигини, ҳажмини, шаклини ва ҳатто рангини ҳам ўзгартириш мумкин. Кўпроқ табиий кўринишдаги улама киприкларга эга бўлиш учун классик вариантни танлаш тавсия этилади. Каттароқ зичлик учун 2D ёки 3D эффекти ҳам мавжуд. Жараён тахминан 2-3 соат давом этади, давомийлиги эса толалар ҳажмига боғлиқ.
Таъсир кучи
Натижа тўғридан-тўғри танланган таъсирга боғлиқ. Классик табиий зичликни беради, 3D эса киприкларни янада бўрттириб кўрсатади. Аммо киприклар қалин ва эгри кўринишга эга бўлади. Бу каби натижага энг сифатли туш билан ҳам эришиб бўлмайди.
Ижобий ва салбий томонлари
Асосий яхши томони, туш билан кўзни бўяш ҳақида камида 2-3 ҳафтага унутиш мумкин. Шунингдек, яхши ухлаш ва деярли бўяниш билан уйғониш мумкин. Киприклар намликдан, ҳарорат ўзгаришидан қўрқмайди ва ҳар доим саноқсиздек туюлади. Бу камдан кам учрайдиган ва табиий равишда ингичка киприкли қизлар учун ҳақиқий нажотдир.
Киприк улаш камида 2,5 соат давом этади ва бу вақт давомида кўзни очмасдан ётиш жуда қийин. Баъзи елимга аллергияси бор қизларда кўзнинг қизариши 2-3 кун давом этади. Киприкларни доимо тарашга ўргатиш керак, шунда улар чиройли бўлиб кўринади ва аниқ ажралиб туради. Киприклар узоқроқ туриши ва шаклларини йўқотмаслиги учун кўзларни силаш ва юз билан ухлаш одатидан воз кечиш керак бўлади. Киприк эктиришнинг асосий камчилиги шундаки, 3-4 ҳафтадан сўнг улар туша бошлайди ва орада аниқ бўшлиқлар пайдо бўлади. Бунда бирданига ҳаммасидан воз кечиш ёки уларни қайта тиклаш керак бўлади.
Изоҳ (0)