Макияж мўъжизаси: Помаданинг юзни яшартириши ёки қаритиши юлдузлар образи мисолида (фото)

Биргина лаб бўёғининг нотўғри танланиши нафақат образингизни хунук, балки ёшингизни ҳам катта кўрсатиши мумкин.

Помада танлаётганда биринчи навбатда терига мос тушиш ёки тушмаслигини инобатга олиш керак. Масалан, терисининг ранги Рианна каби тўқроқ бўлган қизларга оч пушти, шафтоли ранг ва блесклар ярашади, гўзалликка урғу беради.

Тўқ қизил, жигарранг лаб бўёқлари эса аксинча ёшни катта кўрсатади, лабни аслидан кичкина кўрсатади.

Терисининг ранги Энн Хетеуэй сингари оқ бўлган қиз ва аёллар эса тўқ рангли лаб бўёқларидан ҳеч ҳам чўчимай фойдаланса бўлади.

Оч пушти помада эса оппоқ қизларнинг касалга ўхшаб кўринишига сабаб бўлиш мумкин.

Қизил, оловранг ва жигарранг лаб бўёқлари Жессика Честейн сингари териси оқ, сочлари малла бўлган қизларнинг ҳуснига ҳусн қўшади.

Оч рангли бўёқдан эса воз кечган маъқул.

Сочи ва тери ранги оч қизлар оч рангли помададан фойдаланмагани мақсадга мувофиқ.

Терисининг ранги Жессика Альбаники сингари бўлган нозик жинс вакилларига эса қизил ва ёрқин помадалардан фойдаланиш тавсия қилинади.