Қуёшли об-ҳаво кўпроқ вақтни очиқ осмон остида ўтказишга ундайди, бу одатда кўнгилни кўтаради ва рағбатлантиради. Аммо ушбу жараён терининг ташқи кўриниши ва саломатлигига жиддий зарар етказмаслиги учун энг аввало нималарга эътибор қаратиш керак?
Қуёшдан ҳимоя қилувчи кремнинг номидан ҳам маълумки, у терини ҳимоя қилиш учун мўлжалланган. Бироқ баъзилар буни фойдали эмас, аксинча зарарли деб ҳам билади. Гарвард тиббиёт мактабининг дерматология кафедраси ассистенти, Brigam ва аёллар шифокори Женнифер Лин санскрин ҳақида айрим нарсаларни маълум қилди.
Қуёшдан ҳимоя қилувчи кремнинг хавфли экани ва тери саратонига олиб келиши исботланганми?
Бу ёлғон тахмин. Санскринни ишлатганларнинг кўпчилиги қуёшли мамлакатларга саёҳат қилгани ва фаол равишда тоблангани сабабли пайдо бўлган фикр. Бошқача қилиб айтганда, қуёш нурлари остида узоқ вақт бўлиш кремдан эмас, балки қуёш нури туфайли саратон касаллиги хавфини оширади.
Барча қуёшдан ҳимоя қилувчи кремдан фойдаланиши керакми?
Мутахассис тери саратонини, шу жумладан, меланоманинг олдини олиш учун қуёш нурларидан ҳимояланишни тавсия этади. Буғдой ва қора рангли тери эгаларида ушбу ҳолатларнинг ривожланиш эҳтимоли жуда паст. Шунинг учун ҳам улар буни ўзи учун зарур деб билмайди. Бироқ қуёш нуридан ҳимояланиш терининг яхши кўринишини узайтиришга ҳам ёрдам беради. Демак, табиий равишда қора рангли тери эгалари ҳам қуёшдан сақловчи кремларни эътиборсиз қолдирмаслиги керак.
Санскринни қўллаш D витамини етишмаслигига олиб келиши мумкинми?
Қуёшдан ҳимояловчи крем D витамини учун муҳим бўлган ультрабинафша нурларини тўсиб қўяди. Аммо кўпчилик тавсия этилган миқдордан бир чой қошиқ камроқ қўллаши натижасида бунинг олдини олади. Агар мазкур крем D витамини етишмовчилигига олиб келиши мумкинлиги безовта қилса, у ҳолда мутахассисларга мурожаат қилиш зарур. Улар зарур деб ҳисобласа, қўшимча витаминлар тавсия қилинади.
2018 йилда бутун дунё бўйлаб 13 та етакчи мутахассислар D витамини даражаси қуёш нури билан қандай боғлиқлигини муҳокама қилди. Улар ушбу кремни катталардаги D витамини даражасига таъсири жуда кам ёки умуман йўқ деган хулосага келди.
Санскринлар қандай бўлади?
Санскрин кремлари ультрабинафша нурларидан ҳимояловчи косметик воситадир. Уларнинг бир неча хиллари мавжуд:
Спрей
Маҳсулотнинг енгиллиги ва қўлланиш услубининг қулайлигига қарамай, улар ҳам крем каби ҳимоя даражасига эга. Фақат воситани терига бир хилда тақсимлаш зарур.
Крем
Шуни унутмангки, крем нафақат танага, балки юз учун ҳам мўлжалланган. Шунингдек, кўплаб қуёшдан сақловчи кремлар кўз атрофи териси учун мос келмайди. Демак, ундан фойдаланишдан аввал ишлаб чиқарувчиларнинг тавсияларини диққат билан ўрганиб чиқиш зарур.
Флюид
Бу эса санскриннинг суюқ ва қулай шакли. Айниқса, ёғли тери эгалари учун мос келади ва уларнинг устидан крем суриш ҳам мумкин.
«Қуёш суви»
Бу воситанинг янада енгил ва вазнсиз шакли. Ишлатишдан олдин маҳсулотни яхшилаб чайқаб юбориш керак.
Мавзуга доир:
Изоҳ (0)