Контакт линзалар – бу ҳаётни анча осон ва қулайлаштирадиган инсониятнинг бебаҳо ихтироларидан биридир. Аммо агар қоидаларга риоя қилинмаса, оқибати яхши бўлмаслиги ҳам мумкин.
Доим ҳам қўлларни ювмаслик
Биринчи ва эҳтимол, энг муҳим қоида: линзаларни ўрнатиш ёки олиб ташлашдан олдин, қўлларни совун билан яхшилаб ювиш керак. Бундан ташқари, бармоқларга алоҳида эътибор берилиши лозим. Кун давомида қўлларимиз кўплаб бактериялар билан алоқа қилади ва бу нафақат кўчада ёки жамоат транспортида, балки уйда ҳам содир бўлади. Патогенлар қўлларнинг юзасидан кўзнинг шиллиқ қаватига ўтиши ва яллиғланишни келтириб чиқариши мумкин.
Линзалардан керакли вақтдан кўпроқ фойдаланиш
Агар икки ҳафталик линзалардан икки баравар кўпроқ фойдаланилса ва камида икки кун давомида мунтазам линзалар олинмаса, кўп нарсаларни тежаш мумкин, шундай эмасми? Аммо аслида, бу жуда ёмон ғоя. Агар фойдаланиш муддати тугаган бўлса, бу кўзлар учун жуда хавфлидир. Контакт линзаларни узоқ вақт давомида ишлатиш шох пардага шикаст етказиши ҳам мумкин.
Линза билан ухлаш
Кўпгина линзалар тунда фойдаланиш учун мўлжалланмаган. Гап шундаки, ёпиқ кўзлар линзалардан деярли кислород олмайди, шунинг учун шифокорлар линзаларни қисқа вақт ухлашдан олдин ҳам олиб ташлашни маслаҳат беради.
Тозалик қоидаларига риоя қилмаслик
Қоида линзаларни ечиб, идишга солиб қўйишдан иборат, дейдиганлар адашади. Линзалар нафақат яхши кўришга ёрдам беради, балки қўшимча равишда кўзларни ифлосланишдан ҳимоя қилади. Ишлатилгандан сўнг дезинфекцияловчи эритма қўлланилади ва кўрсаткич бармоқ билан икки томондан юмшоқ силанади. Кейин ювилади ва шундан кейингина бир кечага идишга солинади.
Линза идишини ювмаслик
Яна бир кенг тарқалган хато! Идишдаги суюқликни ҳар куни алмаштириш керак. Шундан кейин уни дезинфекцияловчи эритма билан яхшилаб чайиб, мато устига тескари қўйиб қуритилади. Кейинги ишлатишдан олдин идиш қуруқ эканига ишонч ҳосил қилиш лозим: нам муҳит эса бактериялар кўпайиши учун идеал шароит ҳисобланади.
Аввал пардоз, кейин линза
Линзаларни тақиш вақтида пардоз кукуни ват тенларнинг майда зарралари линзаларга тушиши мумкин. Шунинг учун пардозни линзаларни ўрнатгандан сўнг амалга ошириш керак. Бундан ташқари, ишлаб чиқарувчилар кўзга зарар бермаслик учун ёғли тенлардан фойдаланишни маслаҳат беради.
Изоҳ (0)