Бола тана ҳароратининг кўтарилишига кўпинча инфексион касалликлар, тиш чиқиши ва бошқалар сабаб бўлиши мумкин. Сабаби нима бўлишидан қатъий назар, амалга оширилиши керак бўлган чоралар бир хил бўлади.
Кийимларини ечинг
Тана ҳарорати кўтарилаётганида боланинг танаси увишиши, кўрпага ўраниб олиши мумкин. Бу вақтда оёқ-қўллари муздек бўлади, терисида капиллярлар худди мраморга ўхшаб кўзга ташланиши мумкин. Бу тана ҳарорати кўтарилишига хос табиий ҳолат ҳисобланади. Ҳарорат кўтарилиб бўлганда оёқ-қўллари қизий бошлайди ва боланинг ўзи устини очиб ташлайди.
Кўпроқ суюқлик ичиринг
Тана ҳарорати юқори бўлганда организмдаги сув нафақат пешоб ажралганда, балки нафас билан ҳам чиқиб кетиши мумкин. Иштаҳаси йўқ бўлса, овқат ейишга мажбурламанг. Аммо пешобининг ранги очаргунича суюқлик ичиришда давом этиш керак. Бундай вазиятда пешоб рангининг тўқ бўлиши организмдаги суюқлик танқислигидан дарак беради.
Иссиқни туширадиган дори воситалардан фойдаланинг
Инфексион касалликларда ҳарорат кўтарилиши организмнинг ҳимоя реакцияси бўлади. Бунда интерферонлар ишлаб чиқарилиб, организмда вирус ва бактерияларнинг кўпайиши секинлашади. Ҳароратни туширишда термометрдаги кўрсаткичга эмас, боланинг аҳволи қандайлигига қараш керак. Кўрсаткич баъзида 39,5 баъзида эса 40 ни кўрсатиши ҳам мумкин. Агар бола хархаша қилса, безовта бўлса, ўйинчоқ ўйнашда давом этса ҳамда мультфильм томоша қилиб, ўчириб қўйганда норозилик билдирса, ҳароратни туширмаса ҳам бўлаверади. Ҳолсиз бўлиб ёца, егиси, ичгиси келмаса ва камига ухлай ҳам олмаса, иситма туширадиган дори бериш керак.
Болаларнинг иссиғини туширувчи дори воситаси сифатида фақатгина парацетамол ва ибупрофен (3 ойлигидан)дан фойдаланиш мумкин. Чақалоқлар учун (20 килогача) препаратнинг дозаси боланинг вазнига қараб ҳисобланади: парацетамол учун 15 мг/кг, ибупрофен учун эса 10 мг/кг. Бундай дори воситаларини 6-8 соатдан кам бўлмаган вақт оралиғида 1 мартадан кўп бермаслик керак.
Ҳароратни тушириш учун номедикаментоз усуллардан фойдаланиш
Иссиқ туширувчи воситалар сингари номедикаментоз усуллардан ҳам бола ўзини ёмон ҳис қилгандагини фойдаланиш тавсия қилинади. Аммо улардан дори воситаларидан фарқли равишда такрор фойдаланса бўлади.
- Болани ечинтиринг, вентилятор ёки кондиционерни паст қилиб ёқиб қўйинг.
- Боланинг қўл-оёқларини совуқ сув (сиркали сувдан фойдаланманг) билан артинг.
- Сув теридаги иссиқликка таъсир қилиб, боланинг ҳарорати пасаяди.
- Илиқ ванна ёки душга туширинг (37 даражада).
- Агар боланинг тана ҳарорати 37,5 дан юқори бўлса, илиқ сувда деярли тезда нормал ҳолатга тушади.
Изоҳ (0)