Нафақат уй бекалари, балки музлаткич эшигини очган ҳар қандай кишини ҳам безовта қиладиган масалага ечим топишга ёрдам берадиган маслаҳатларни эътиборингизга ҳавола қиламиз.
Икки қават ўрамдан фойдаланинг
Музлаткич ҳидланишига унда айниган маҳсулотлар борлиги, шунингдек, айрим ҳиди ўткир озиқ-овқатларнинг очиқ қолдирилиши сабаб бўлади. Шунинг учун ҳам пиёз, пишлоқ, балиқ консерваларини шунчаки контейнер эмас, икки қават ўрамда — контейнер устидан пакет ёки фольга қоғозга ўраб сақлаш керак.
Ҳар ҳафта текшириб, тозалаб туринг
Энг аввало музлаткичдаги маҳсулотлар — шарбат, колбаса ва сутнинг яроқлилик муддатини кўздан кечиринг. Оққан, томган маҳсулотларни қотиб қолишидан аввал артиб, тозаланг. Содали намланган губка ва идишлар ювишда фойдаланадиган восита сизга бу борада ёрдам бера олади.
Профилактика
Сода солинган қутини очиб қўйиш ёмон ҳидни бартараф қилиб уни тарқалишининг олдини олади. Аммо уни ҳам вақти-вақти билан алмаштириб туриш керак. Янги сода ҳидларни бартараф қила олмаганда эса у билан музлаткич ичини тозалаб 24 соатга эшигини очиқ қолдириш лозим.
Музлаткичга иссиқ маҳсулот қўйманг
Иссиқ таомни камида икки соат давомида хона ҳароратида совишини кутинг. Иссиқ таом солинган идиш қўйилганда нафақат ичкаридаги ҳарорат ўзгариб, бошқа маҳсулотлар — сут ва нордон сут маҳсулотларининг айнишига ҳам олиб келиши мумкин.
Гўшт, сабзавот ва карамни пакетга солинг, контейнерга жойласангиз яна яхши
Таом пиширгунча оқиши, доғ қолдириши мумкин бўлган маҳсулотларни музлаткичнинг пастки қисмига қўйиш тавсия қилинади.
Муз солишга мўлжалланган махсус идишни кўздан кечиринг
Идиши пластикдан тайёрлангани ва ундаги муз музлаткич ҳидини ўзига олгани сабаб муз солинадиган идишларни мунтазам равишда ювиб туриш керак. У қўшилган ичимликдан ёмон ҳид келмаслиги учун музни уч кундан ортиқ сақламаслик лозим.
Мутахассисларга мурожаат қилинг
Яхшилаб ювиб, тозалаган тақдирингизда ҳам ёмон ҳид келишда давом этса, махсус хизматга мурожаат қилинг.
Изоҳ (0)