Ўзбек мухлисларига «Қора ният» сериалидаги Эндер Аргун роли билан маълум бўлган турк актрисаси Шеввал Сам мухлисларни ҳайратда қолдирадиган ёзги режалари билан бўлишди.
Маълум бўлишича, актриса актрисаликнинг ўзи билан чекланмайди. У мазкур ёз фаслида мусиқа билан шуғулланишга вақт ажратмоқчи.
«‘Қора ният’ сериалидаги ролдан кейин кўпчилик мени хонанда эканимни унутиб, исмимни актрисалик билан боғлайдиган бўлиб қолди. Мазкур ёзда Ҳарбие (Истанбулдаги очиқ концерт майдони)да концерт бермоқчиман ва бу вақтда коронавирус билан боғлиқ чекловлар бўлмаса, томошабинлар сони бўйича рекордни янгилашни режалаштирганман», — деган у. Шунингдек, Шеввал мусиқа унинг ҳаётида жуда муҳим эканини қўшимча қилган.
Маълумот учун, 1973 йили 11 ноябрда Истанбулда дунёга келган Шеввал Сам илк марта «Супер ота» (1993–1998 йиллар) сериалида кўриниш берган. Хонанда сифатида эса 2006 йилда фаолият бошлаган ва «Сек» номли альбом тақдим қилган.
Аввалроқ «Қора ният» сериали актёрлари чарчагани туфайли лойиҳа маълум муддатга тўхтатилгани ҳақида хабар берилганди.
Изоҳ (0)