Ёшининг катталиги фарзандли бўлишга тўсиқ бўлмаган юлдузлар ҳақида маълумот бериб ўтамиз.
Хлои Севини — илк марта 45 ёшида она бўлган
Машҳур актрисанинг ҳомиладорлиги акс этган суратлар илк бор 2020 йилда ОАВда тарқалган, кейинчалик унинг ўзи Instagram саҳифасида дарҳақиқат шундай эканини тасдиқловчи суратлар билан бўлишган. 2020 йилнинг майида актриса ва турмуш ўртоғи Синиш Макович ота-она бўлган. Ўғлига Ваня Севини Макович деб исм қўйган жуфтлик чақалоқ туғилиши уларни жуда ҳам бахтли қилганини таъкидлаган.
Шерил Кроу — илк марта 45 ёшида она бўлган
Ҳеч қачон расман турмуш қурмаган Шери 2007 ва 2010 йилларда икки марта фарзанд асраб олган. Шахсий ҳаётини кўз-кўз қилишни ёқтирмайдиган актриса бир неча йил аввал фарзандлари Уаетт Стивен ва Леви Жеймс Кроу билан тушган сурати билан бўлишиб, улар ҳаётининг маъноси эканини таъкидлаган
Люси Лю — илк марта 46 ёшида она бўлган
Карьерага муккасидан кетган Люси ҳеч қачон турмушга чиқишга шошилмаган. 2015 йилда актриса биринчи марта она бўлганини маълум қилган. Суррогат она ёрдамида дунёга келган фарзандга Роквелл деб исм қўйган. Люси Instagram саҳифасида ўғлининг суратлари билан бўлишиб келади.
Жина Дэвис — илк марта 46 ёшида она бўлган
Уч марта турмуш қуриб, ажрашган актриса 2001 йил жарроҳ Рези Жарраҳи билан танишган. Орадан уч йил ўтиб қизи Ализе Кешвар дунёга келган. Биринчи фарзанди туғилганидан илки йил ўтиб эгизаклар — Киан Уильям ва Каис Стивен дунёга келган. Ҳомиладорлик даври қийин кечмаганини таъкидлайдиган юлдуз ёши ўтиб фарзандли бўлишга қарор қилганидан ҳеч ҳам афсусланмаслигини қўшимча қилади.
Холли Хантер — илк марта 47 ёшида она бўлган
Холли илк бор 2006 йилда она бўлган ва эгизак фарзандлар — Клод ва Прессни дунёга келтирган. Ҳаётини сир тутишга қанчалик уринмасин, ОАВ вакиллари фарзандини кадрга муҳрлашга муваффақ бўлган.
Анжела Бассетт — илк бор 47 ёшида она бўлган
1997 йилда актёр Кортни Би Венсга турмушга чиққан актриса узоқ вақт давомида фарзандли бўла олмагани сабаб 2006 йилда суррогат она ёрдамидан фойдаланишга қарор қилган. Январь ойида эгизаклар Слейтер ва Бринвин дунёга келган. Болаларни тарбия қилиш борасида фикрлари билан бўлишиб келадиган актриса фарзандларига танлов борасида эркин бўлиши учун қўлидан келган ҳамма нарсани муҳайё қилишини таъкидлайди.
Беверли ДъАнжело — илк марта 49 ёшида она бўлган
Анжеланинг ёши 49, қайлиғи Ал Пачиноники эса 60 да экани уларни фарзандли бўлиш учун ЭКО муолажага мурожаат қилишдан тўхтата олмаган. 2001 йил 25 январда эгизаклар Антон Жеймс ва Оливия Роуз дунёга келган. Актриса учун ҳомиладорлик осон бўлмаган, узоқ муддат шифокорлар кўригида бўлишига тўғри келган ва гормонлар қабул қилган.
Жанет Жексон — илк бор 50 ёшида она бўлган.
Икки марта турмуш қуриб, ажрашган Майкл Жексоннинг синглиси, ва ниҳоят, учинчи турмушидан фарзандли бўлган. 2017 йилда чақалоқ дунёга келганидан кейин қатарлик бизнесмен Виссам ал-Ман билан ҳам ажрашган. Оналик осон бўлмаса ҳам, юлдуз кеч она бўлганидан афсусланмаслигини айтади.
Кристин Дэвис — илк бор 53 ёшида она бўлган
Ҳали турмуш қурмаган америкалик актриса 2011 йилда Роуз Дэвис исмли қизни, орадан 7 йил ўтиб Уилсон исмли ўғил фарзанд асраб олган. Болали бўлиш ҳақида аллақачон орзу қилган актриса бу бахтнинг қандай бўлишини тасаввур ҳам қила олмаганини таъкидлаган.
Изоҳ (0)