Давоми: Жаҳонгир Ортиқхўжаев: «Журналистлар тўйни тўйдек қилиб беришди — энди қанча танқид қилишса розиман»
«Бу байрамга жуда катта тайёргарлик кўрдик, айрим ходимларимиз 24 соатлаб меҳнат қилишди. Уни ёшларимиз учун катта байрам, тўйдек қилиб ўтказишимиз керак. ОАВ вакиллари ва блогерларга илтимосим шуки, агар қаердадир камчиликларга йўл қўйилган бўлса, сайтларда айлантирмай ўзимизга айтишса, зудлик билан муаммони бартараф қиламиз. Шунча меҳнатдан кейин ҳам фақат танқидлар бўлаверса, кейинчалик ҳам мана шунақа тадбирларни ўтказишга иштиёқимиз йўқолиб қолади. Сизлар ҳам ёшларимизни биздек севсангиз хатоларимизни, аввало, ўзимизга айтинг, биз тўғрилашга тайёрмиз. Тўй тўйдек бўлсин! Тўйимизни бузманглар, илтимос» — деди Ортиқхўжаев.
Эслатиб ўтамиз, Тошкент шаҳрининг марказида ташкил этилган ушбу фестиваль 21 майдан 25 майга қадар маданий ва интеллектуал танловлар, спорт мусобақалари, медиатренинглар, пойтахтнинг машҳур кишилари билан учрашувлар ва бошқа тадбирларни ўз ичига олади.
Рўйхатдан ўтган иштирокчилар ва меҳмонларнинг умумий сони 40 минг нафарга етди. Лекин меҳмонлар сони жуда кўп бўлиши кутилмоқда, чунки кириш учун олдиндан рўйхатдан ўтиш шарт эмас. Буни шундоққина кириш олдидан ҳам амалга ошириш мумкин.
Рўйхатдан ўтиш www.toshkent21.uz сайти орқали.
Изоҳ (0)