Yevropa kosmik agentligi tadqiqotchilari galaktikalarning ulkan klasteri suratini qo‘lga kiritdi. Surat Hubble teleskopi saytiga joylashtirilgan, deb xabar beradi “Korrespondent.net”.
Hubble kosmik qurilmasi ACO S 295 nomli galaktikalar to‘plamini suratga olishga muvaffaq bo‘lgan. Ta’kidlanishicha, suratda mavjud barcha o‘lcham va shakldagi galaktikalar tasvirlangan: ulkan spirallardan tortib o‘pirilgan ellipslarga qadar.
“Ushbu galaktika to‘plami o‘lchamidan tashqari, ko‘plab oriyentatsiyasi bilan maqtana oladi: ayrim spiral galaktikalar deyarli ‘yuzi’ bilan joylashgan bo‘lsa, ba’zilari ‘qovurg‘asi bilan’, ular ingichka yorug‘lik chizig‘i kabi ko‘rinish kasb etgan”, — deyiladi teleskop saytida.
Tadqiqotchilarning ta’kidlashicha, klasterning o‘zi tasvir markazida ham vizual, ham jismonan joylashgan. Bu — gravitatsion ravishda fon galaktikalarini linzalashtirgan galaktikalar to‘plamining ulkan massasi hisoblanadi.
Avvalroq NASA astronavti Somon yo‘li galaktikasining hayratlanarli videosi bilan bo‘lishgani, Hubble spiralsimon yorqin galaktikani suratga olgani to‘g‘risida xabar berilgandi.
Izoh (0)