Япониялик астронавт Соичи Ногучи Сомон йўли галактикасининг яхшироқ кузатиш мумкин бўлиши учун атайлаб секинлаштирилган видеосини тайёрлади, деб хабар беради Hi-Tech.Mail.
Видеодаги тасвирлар SpaceX Crew Dragon Resilience космик кемасининг ойнасидан туриб олинган. Ролик NASA астронавти Майкл Хопкинсга шу қадар ёққанки, у ижтимоий тармоқлардаги саҳифада видео билан бўлишган.
«Космоснинг кўриниши бундан яхши бўлмаса керак, деб ўйлардим, аммо жамоадошим (Соичи Ногучи) Resilience'дан ушбу тунги таймлапсни тасвирга олди ва мен бундан ҳайратдаман», — дея изоҳлайди Хопкинс.
https://twitter.com/Astro_illini/status/1381628373575864320
Ногучи ва Хопкинс айни вақтда Ердан 402 километр юқоридаги орбитада жойлашган Халқаро космик станция бортидаги ўнта астронавт сирасига киради. Улар ижтимоий тармоқларда космоснинг турли суратлари билан мунтазам бўлишиб келади.
Мавзуга доир:
Изоҳ (0)