Футбол бўйича Англия Премьер Лигасининг 36-турида «Манчестер Сити» ва «Ньюкасл» 14 май, жума куни ўзаро баҳс юритди.
Ньюкаслда кечган баҳсда дарвозаларга умумий ҳисобда 7 та гол урилди. «Шаҳарликлар» сафида Ферран Торрес ҳет-трикка эришди. Эътиборлиси, испаниялик футболчи биринчи голини ноодатий тарзда киритди, ушбу вазиятда у тўпни товони билан дарвозага жойлаб қўйди. Яна бир гол эса Жоау Канселу номига ёзилди. Мезбонларнинг голларига Эмиль Крафт, Жоэлинтон ва Жо Уиллок муаллифлик қилди.
Ушбу ғалабадан кейин чемпионликни муддатидан олдин расмийлаштириб бўлган «Сити»нинг очколари сони 83 тага етди. «Ньюкасл» эса 39 очко билан 16-поғонани банд этган.
АПЛ
36-тур баҳси
14 май, жума
«Ньюкасл» – «Манчестер Сити» 3:4
Голлар: 1:0 – 25 Крафт, 1:1 – 39 Жоау Канселу, 1:2 – 42 Ферран Торрес, 2:2 – 45, пенальти Жоэлинтон, 3:2 – 62 Уиллок, 3:3 – 64 Ферран Торрес, 3:4 – 66 Ферран Торрес.«Ньюкасл»: Дубравка, Фернандес (Гэйл, 88), Дамметт, Крафт, Ритчи (Лонгстафф, 84), Уиллок, Мерфи, Шелви, Альмирон, Сен-Максимен, Жоэлинтон (Льюис, 84).
«Манчестер Сити»: Карсон, Эрик Гарсия, Аке, Уокер, Жоау Канселу (Менди, 74), Гундўғон, Родри, Ферран Торрес, Бернарду Сильва, Стерлинг, Габриэль Жезус.
Огоҳлантиришлар: Ритчи (36), Родри (44), Жоау Канселу (56), Шелви (59).
Изоҳ (0)