Ўзбекистонда ўтган бир сутка ичида яна 21,5 мингдан ортиқ киши коронавирусга қарши эмланди
Ўзбекистонда 11 май куни жами 62 262 киши COVID-19’га қарши эмланди, деб хабар берди Соғлиқни сақлаш вазирлиги матбуот хизмати. Шулардан 21 524 нафари биринчи босқичда, 40 738 нафар фуқаро эса иккинчи босқичда эмланган.
Фото: ССВ матбуот хизмати
Ҳозирги кунгача Ўзбекистонда коронавирусга қарши 1 236 240 доза вакцинадан фойдаланилди, уларнинг 157 622 дозаси иккинчи босқичда қўлланилган. Шунга кўра, мамлакатда жами эмланганлар сони 1 078 618 кишини ташкил этмоқда.
11 май кунидаги эмлаш кўрсаткичлари бўйича юқори ўринларни
Фарғона вилояти (13754 доза),
Андижон вилояти (8196 доза),
Самарқанд вилояти (7435 доза) банд қилди.
Коронавирусга қарши эмланган жами аҳоли сони:
Фарғона вилоятида 161 717 доза,
Андижон вилоятида 156 023 доза,
Наманган вилоятида 135 952 доза,
Самарқанд вилоятида 116 621 дозани ташкил қилмоқда.
Эслатиб ўтамиз, 1 майдан Ўзбекистонда вакцинациянинг иккинчи ойи бошланди. Соғлиқни сақлаш вазирлиги маълумотларига кўра, Ўзбекистонда вакцина олган бирор беморда коронавирус аниқланмади. Коронавирусга қарши курашиш штаби аъзоси Севара Убайдуллаеванинг сўзларига кўра, Ўзбекистонда коронавирусга қарши эмлаш жараёни ҳар йили ўтказилиши мумкин.
Изоҳ (0)