Ўзбекистон Олий суди тарих фанлари бўйича фалсафа доктори Баҳром Ирзаевнинг қатағонга учраган, босмачи тамғасини олган, аслида миллатпарвар бўлган ўзбек фарзандлари номлари ҳали ҳануз оқланмаётгани борасидаги фикрларига муносабат билдирди.
«Рост24» сайтида «Олий судга эътироз: Нега 30 йилдан буён миллатимиз қаҳрамонларини оқламаяпсиз?» номли мақола эълон қилинган бўлиб, унда олим, тарих фанлари бўйича фалсафа доктори Баҳром Ирзаев билан қатағонга учраган, босмачи тамғасини олган, аслида миллатпарвар бўлган фуқаролар номлари ҳали ҳануз оқланмаётгани юзасидан суҳбат уюштирилган.
Олимнинг таъкидлашича, бу каби ҳолат мустақилликдан сўнг Марказий Осиё мамлакатлари орасида фақат Ўзбекистонда кузатилмоқда, шу вақтгача Қирғизистон, Қозоғистонда туркистонликлар миллат қаҳрамони сифатида тан олиниб, улар ҳақида бир нечта китоблар, фильмлар ишлангани қайд этилган.
Олий суд томонидан реабилитация қилинмаган қатағон қурбонларининг номларини оқлаш ва уларнинг хотирасини абадийлаштириш борасида зарур чора-тадбирлар белгилаб олинган бўлиб, амалий саъй-ҳаракатлар тизимли равишда давом эттирилмоқда.Маълумот ўрнида шуни айтиш мумкинки, Ўзбекистон Президентининг 2020 йил 8 октябрдаги «Қатағон қурбонларининг меросини янада чуқур ўрганиш ва улар хотирасини абадийлаштиришга доир қўшимча чора-тадбирлар тўғрисида»ги фармойиши ижросини таъминлашга Олий суд томонидан алоҳида эътибор қаратилмоқда.
Чунончи, мустабид совет тузуми даврида қатағон қурбони бўлган ва ҳозирги кунга қадар оқланмаган шахсларнинг жиноят ишлари амалдаги қонунчилигимизга мувофиқ ўрганиб чиқилаётгани маълум қилинади.
Ўзбекистон Олий суди
Изоҳ (0)