Қибрайда Damas ва »Жигули» тўқнашиши оқибатида бир киши жароҳат олди

Тошкент вилоятининг Қибрай туманида Damas ва «Ваз-2106» («Жигули»)  тўқнашди, деб хабар бермоқда ЙҲХББ матбуот хизмати.

Воқеа 10 май куни соат 08:00 ларда, туманнинг «Тузел» ҚФЙ ҳудудида юз берган. 1992 йилда туғилган ҳайдовчи И.Т. бошқарувидаги «Жигули» ва 1974 йилда туғилган ҳайдовчи Р.Х. бошқарувида бўлган Damas тўқнашган. Оқибатда «Жигули» ҳайдовчиси тан жароҳати билан шифохонага олиб кетилган.

Ушбу ЙТҲ юзасидан Қибрай тумани ИИБ ТБ томонидан дастлабки суриштирув ҳаракатлари олиб борилмоқда.

Аввалроқ Андижонда олиб қочилган Spark иккита автомобилга бориб урилгани, Қаршида содир бўлган ЙТҲда 29 ёшли ҳайдовчи ва унинг 5 ёшли қизи вафот этгани, Сурхондарёда 3 кишини уриб юбориб, уларнинг ўлимига сабаб бўлган Damas ҳайдовчиси воқеа жойидан қочиб кетгани ҳақида хабар берилган эди.