Картошка билан пишлоқдан печда пишириладиган ажойиб таом рецепти

Икки маҳсулотнинг ёқимли таъми уйғунлашиб, иштаҳани янада очиб юбориши шубҳасиз.

Керакли маҳсулотлар:

• картошка – 800 грамм;
• моцарелла – 100 грамм;
• қирғичдан ўтказилган пишлоқ – 50 грамм;
• бешамель соуси – 300 грамм;
• туз ва кўкатлар.

Тайёрланиш жараёни:

1. Тозаланган картошка бўлакларга бўлиниб, қайнаётган сувда 6 дақиқа қайнатилади.
2. Бешамель соуси ва қайнатилган картошка печ қолипига жойлаштирилади.
3. Устидан моцарелла пишлоғини майдалаб солинади.
4. Яна худди шундай қатлам такрор териб чиқилади.
5. Энг юқори қатламга қирғичдан ўтказилган пишлоқ сепилади.
6. 200 даража қиздирилган печда 20 дақиқа давомида пиширилади.
7. Таъбга кўра кўкатлар билан безатилади.

Ёқимли иштаҳа!