Макс Вайнбах исмли таниқли инсайдер Xiaomi’нинг Европа бўйича Twitter’даги расмий аккаунтларидан бири постларни iPhone ёрдамида чоп этаётганига эътибор қаратди, деб ёзади Hi-Tech.Mail.ru.
Интернет фойдаланувчилари бунга эътибор қаратиши билан твит ўчириб ташланган. Айрим фойдаланувчилар скриншот қилишга улгуриб қолган:
Бу каби вазият Android смартфонлар ишлаб чиқарувчиларнинг ижтимоий тармоқлардаги минтақавий аккаунларида тез-тез содир бўлиб туради. Шу орқали, масалан, Apple ўзининг реклама кампаниялари орқали устидан кулишни яхши кўрадиган Samsung қўлга тушган. Жумладан, 2018 йилда Samsung’нинг иккита бўлинмаси шу каби «хато»га йўл қўйганди — компаниянинг Саудия Арабистони ва Нигериядаги расмий аккаунтлари реклама твитларини iPhone’дан жойлаштирган. Энг қизиқарли ҳолат эса 2013 йилда содир бўлган. Ўшанда теннисчи Дэвид Феррер ўзининг Twitter’даги саҳифасида янги Galaxy S4’ни мақтаган, бироқ у мазкур постни iPhone’дан жойлаштирган эди.
Изоҳ (0)