3 май куни Огайо штати сенатининг аъзоси, республикачи Эндрю автомобиль бошқариб кетаётиб, Бреннер Zoom’да ўтказилган видеоконференцияга қўшилди. Сенатор фонга уйининг интерьерини қўйган, бироқ хавфсизлик камарини тақиб олгани, йўлга мослашиш учун бир неча бор бурилгани сабаб кадрда дарахт ва бинолар кўриниб қолган, деб ёзади Esquire.
Йиғилишнинг тўлиқ видеоси сенатнинг ҳукумат телевидениеси сайтида эълон қилинган. Роликдан кўриш мумкинки, аввалига Бреннер автотураргоҳдаги автомобиль салонидан конференцияга қўшилган, бироқ шундан сўнг, у виртуал фонни ўрнатган. Машинани бошқариш давомида сенатор камерага мамнун қараб кетган.
Бреннернинг The Columbus Dispatch нашрига маълум қилишича, у видеога эътибор қилмай, йўлдан чалғимаган ҳолда автомобилни бошқарган. Унинг сўзларига кўра, йиғилишнинг катта қисмини у автотураргоҳда ўтказган.
Бреннер иштирокидаги видеоконференция штат парламенти автомобиль бошқариш вақтида тўғридан-тўғри трансляцияларни амалга ошириш, хабар ёзиш ва бошқа мобил дастурлардан фойдаланишни тақиқлашга қаратилган қонун лойиҳасини қабул қилган кунда бўлиб ўтган. Бу каби тақиқлар борасида олдинроқ киритилган таклиф қонун чиқарувчилар томонидан рад этилганди.
Аввалроқ суднинг онлайн йиғилишига техаслик адвокат Род Понтан мушук кўринишида киргани интернетда машҳур бўлганди. Мушук қилиб кўрсатадиган фильтрни ўчира олмаган Род «Шу ердаман ва мен мушук эмасман», — деган.
Изоҳ (0)