Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси ўринбосари Саида Мирзиёева ўзининг ижтимоий тармоқлардаги саҳифаси орқали якшанба кунлари бутун оила дастурхон атрофида тўпланиб, анъанавий тарзда севимли таом тайёрланиши ҳақида пост қолдирди.

Фото: Telegram / @SaidaMirziyoyeva

«Якшанба. Анъанага кўра бу куни севимли таомларимизни тайёрлаймиз. Улардан бири — кулчатой. Ойижоним эрталабдан хамир қорадилар. Дадажоним бошчилигида бутун оиламиз дастурхон атрофига тўпланиб, ойижоним тайёрлаган хамирни тахтакачда кесамиз. Ойижоним эса эндигина пишган масаллиқлар — сабзи, нўхотни узатиб турадилар.

Тайёрланиш усулига кўра кулчатой кесма лағмонни эслатади. Кичкинтойим бизнинг энг катта ёрдамчимиз, милклари билан суяк чайнашга уринади. Таом тезроқ пишишини ҳаммадан кўпроқ шу кутса керак. Дам олиш кунингиз хайрли ўцин, азиз дўстлар!», — деб ёзади Саида Мирзиёева.

Фото: Telegram / @SaidaMirziyoyeva

Фото: Telegram / @SaidaMirziyoyeva

Фото: Telegram / @SaidaMirziyoyeva

Аввалроқ Саида Мирзиёева янги келинлик пайтида чўзма лағмон билан боғлиқ воқеани эсга олиб, бу ҳақда ҳикоя қилиб берганди.