Улуғ ватан уруши, Ғалабанинг 76 йиллиги арафасида Eriell Group анъанага биноан Қашқадарё вилояти фахрийларини қутлади.
Хотира ва қадрлаш кунига бағишланган тадбирлар доирасида Eriell Group вакиллари Ўзбекистон Республикаси Мудофаа вазирлиги билан ҳамкорликда, Қарши шаҳри ва Қашқадарё вилоятининг 8 та туманида истиқомат қилувчи 22 нафар фахрийни зиёрат қилди. Ҳарбий оркестр чиқиши ва байрам дастури йиғилганларга байрамона кайфият улашди.
«Биз халқимиз бошига тушган мураккаб синовлар ҳақидаги хотира ҳали ҳам барҳаёт эканидан жуда мамнунмиз. Бизнинг учрашувлар ҳамиша илиқлик ва самимийлик руҳида ўтади, бундай эътибордан бошимиз кўкка етади», — дейди уруш йилларида фашистлар концлагери даҳшатларини бошидан кечирган фахрий Вера Андреевна Носирова.
Шунингдек, тадбирда туман ҳокимлари, мактаб ўқувчилари, Мудофаа вазирлиги вакиллари ҳам иштирок этди.
«Ҳурматли фахрийларимиз эътиборга муҳтож, ёш авлод уларнинг жасоратини доимо ёдда сақлаши муҳим. Биз яна бир бор уларга ўз ҳурматимизни изҳор этиш ва мусаффо осмонимиз учун миннатдорчилик билдиришдан мамнунмиз», — дея ўз фикрлари билан ўртоқлашди Eriell Group Ўрта Осиё МББ раҳбари Баҳромбек Исмоилов.
Eriell Group Ўзбекистон фуқаролари ва Улуғ ватан уруши фахрийларини энг эзгу айём — Хотира ва қадрлаш куни билан қутлайди! Осмонимиз ҳамиша мусаффо бўлсин, мустаҳкам соғлиқ, тинчлик-тотувлик, меҳр-муҳаббат ва яқинларингиз эътибори доимо ҳамроҳингиз бўлсин!
Eriell Group матбуот хизмати
Реклама ҳуқуқи асосида.
Изоҳ (0)