Мексикалик Сауль «Канело» Альварес (56-1-2, 38 КО) ўзининг профессионал боксдаги навбатдаги жангини Тошкент вақти билан 9 май, якшанба куни АҚШнинг Арлингтон шаҳрида (Техас штати) ўтказди.
Альваресга ушбу жангда британиялик Билли Жо Сондерс (30-1, 14 КО) рақиблик қилди. Жангга Саулнинг супер ўрта вазн тоифасидаги (-76,2 кг) WBC, WBO ҳамда Биллининг WBA Super чемпионлик камарлари қўйилганди.
12 раундга мўлжалланган жанг 8 раунд давом этди. Альвареснинг раундлар давомида йўллаган кучли зарбалари оқибатида Сондерснинг ўнг кўзи деярли кўрмай қолди. Натижада Сондерс 9-раундга чиқишдан бош тортди ва Альварес техник нокаут эвазига ғалабани қўлга киритди.
Шу тариқа мексикалик боксчи учта чемпионлик камарини ўзиники қилди. Бу орқали Сауль Альварес профессионал боксдаги ғалабалари сонини 56 тага етказди. Билли Жо Сондерс эса проф рингдаги илк мағлубиятини қабул қилди.
Альварес—Сондерс жангини бу ерда томоша қилиш мумкин — видео.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)