Христиан динининг «Ота-оналарни хотирлаш» тадбирлари ўтказилиши муносабати билан Тошкентда 11 май куни бир кунлик автобус йўналишлари ташкил этилади

Тошкентда 2021 йил 11 май куни Христиан динининг «Ота-оналарни хотирлаш» тадбирлари ўтказилиши муносабати билан, христиан динига мансуб аҳолининг транспортга бўлган эҳтиёжини қондириш ва йўловчилар ташиш узлуксизлигини таъминлаш мақсадида, шаҳардаги метро станцияларидан ва аҳоли кўп йиғиладиган бекатлардан 1, 2, 3-сонли қабристонларгача қатновчи бир кунлик автобус йўналишлари ташкил этилади. Бу ҳақда «Тошшаҳартрансхизмат» хабар қилди.

Вақтинчалик автобуслар қуйидаги йўналишларда йўлга қўйилади:

Йўналиш рақами:

• К-1 Машинасозлар метроси—1-сонли қабристон (Боткин);
• К-2 Олмазор метроси—2-сонли қабристон (Дўмбиробод);
• К-3/1 Буюк Ипак йўли метроси—3-сонли қабристон (Ўртасарой);
• К-3/2 Қўйлиқ деҳқон бозори—3-сонли қабристон (Ўртасарой).

• 3 та Isuzu «2-автобус саройи» МЧЖ;
• 4 та Isuzu «7-автобус саройи» МЧЖ;
• 4 та MAN «5-автобус саройи» МЧЖ;
• 4 та MAN «1-автобус саройи» МЧЖ.

Бундан аввал Тошкентда якшанба кунлари қатор йўналишлардаги Mercedes’лар ўрнида Isuzu’лар қатнаши, Тошкентда таровиҳ намози муносабати билан ҳар Рамазон оқшомида қатор автобуслар йўналиши ўзгаргани ҳамда Тошкентда март ойида энг кўп йўловчи фойдаланган автобус йўналиши қайси экани маълум қилингани ҳақида хабар берилганди.