Қашқадарё вилоятининг Қарши туманида содир бўлган ЙТҲда 29 ёшли ҳайдовчи ва унинг 5 ёшли қизи вафот этди. Бу ҳақда «Дарё»га вилоят Йўл ҳаракати хавфсизлиги бошқармаси бошлиғи ахборот хизмати раҳбари Жавлон Бахтиев маълум қилди.
Маълум бўлишича, 2021 йил 4 май куни соат тахминан 06:20 да 4Р Қарши—Бешкент—Касби—Косон йўлининг 16 километрида 1992 йил туғилган ва Миришкор туманининг Гулистон қишлоғида рўйхатда турувчи У.М. бошқарувидаги Nexia’да Қовчин қишлоғи ҳудудидан ўтиб кетаётиб, бошқарувни йўқотган ва йўлдан чиқиб кетиб дарахтга урилган.
ЙТҲ оқибатида 29 ёшли ҳайдовчи У.М. ҳодиса жойида вафот этган.Унинг автомобилида бирга кетаётган 5 ёшли қизи Ф.Ф. эса оғир тан жароҳати олиб, кўрсатилган тиббий ёрдамга қарамасдан шифохонада вафот этган. Шунингдек, автомобиль салонида бўлган ҳайдовчининг турмуш ўртоғи 1991 йилда туғилган У.И. ҳамда 7 ёшли ўғли Ф.З. оғир тан жароҳати олиб, шифохонага ётқизилган.
Эслатиб ўтамиз, аввалроқ Олмалиқда Damas велосипедчини уриб юборгани ва жабрланувчи шифохонада вафот этгани, Сурхондарёда эса 3 кишини уриб юборган Damas ҳайдовчиси воқеа жойидан қочиб кетиши оқибатида жабрланганларнинг икки нафари вафот этганди.
Изоҳ (0)