УЕФА Европа Суперлигасида қатнашмоқчи бўлган, аммо кейинчалик турнирдан чиқиб кетган тўққизта клуб учун реинтеграция (мусобақаларга қайта қўшилиш) чораларини тасдиқлади.
Унга кўра, 12 клубнинг 9 таси — «Арсенал», «Милан», «Челси», «Атлетико», «Интер», «Ливерпуль», «Манчестер Сити», «Манчестер Юнайтед», ва «Тоттенҳэм» УЕФА билан қуйидаги келишувларга эришди:
- УЕФА низомининг мажбурий хусусиятларини сўзсиз тан олиш ва қабул қилиш;
- ҳар мавсум УЕФАнинг клублар ўртасидаги ҳар қандай мусобақаларида спорт принциплари асосида саралаш босқичида қатнашиш;
- УЕФА томонидан тан олинган ягона вакиллик органи бўлган Европа клублари ассоциациясига қайта қўшилиш;
- Суперлигани тарк этиш учун барча чораларни кўриш;
- хайрихоҳлик ишораси сифатида бошқа клублар билан биргаликда бутун Европада, жумладан, Буюк Британияда маҳаллий жамоаларда болалар, ёшлар ва оммавий футболнинг ривожланишига 15 миллион евро хайрия қилиш;
- бир мавсумда УЕФАнинг клублар ўртасидаги мусобақаларда иштирок этиш учун оладиган даромадининг 5 фоизини ушлаб қолишга розилик билдириш;
- агар Европа Суперлигасига ўхшаш мусобақаларда рухсатсиз иштирок этишни истаса (100 миллион евро) ёки декларацияда кўрсатилган бошқа мажбуриятларни бузса (50 миллион евро) катта миқдордаги жарималарга рози бўлиш.
Изоҳ (0)