Голливуднинг таниқли актёрларидан бири Арнольд Шварценеггер «Оскар» мукофотининг сўнгги тақдирлаш маросимини «жуда зерикарли» деб атади. У ўз фикрини Жимми Киммелнинг шоуси вақтида билдириб ўтган, деб ёзади «Korrespondent.net».
«Терминатор» юлдузининг таъкидлашича, у маросимнинг учдан бир қисмини кўрган ва кейин телевизорни ўчириб қўйган.
«Саҳнада шунча иқтидорлилар бўлса-да, жуда ҳам зерикарли бўлгани учун бошқа томоша қила олмас эдим. Улар шунча иқтидори бўла туриб, маросимни қандай зерикарлига айлантирди?» — дея ҳайрон бўлади актёр.
Бошловчининг маросимни яхшироқ ўтказиш мумкинми, деган саволига Шварценеггер ҳазиллашиб, кейинги сафар уни Muscle Beach’да — гиманст ва атлетлар, сўнгги вақтда турли йога мактаблари вакиллари тўпланадиган Санта-Мокиадаги машғулотлар майдончасида ўтказиш кераклигини айтган.
Таъкидланишича, «Оскар»нинг 93-маросими ўз тарихида энг паст рейтингни қайд этган — уни кузатган телетомошабинлар сони 2020 йилгига нисбатан икки баробарга қисқариб кетган.
Аввалроқ «Ота» фильмидаги роли учун «Оскар» мукофотининг энг яхши эркак номинациясида ғолибликни қўлга киритган актёр Энтони Ҳопкинс тақдирлаш маросимида иштирок этмагани ва ўзининг исми эълон қилинган вақтда Уэльсдаги уйида ухлаб ётган бўлгани тўғрисида хабар берилганди.
Изоҳ (0)