Ҳукумат томонидан таклиф этилган солиқ ислоҳотлари туфайли Колумбия шаҳарларида юзага келган оммавий норозилик намойишларида тўққиз кун ичида 379 нафар фуқаро бедарак йўқолди. Бу ҳақда Movice Давлат жинояти қурбонлари миллий ҳаракати маълумотларига таяниб, «Коммерсантъ» хабар берди.

Фото: Tengrinews

«Мажбурий гаровга олиш бўйича ишчи гуруҳ ташкилотлари бедарак йўқолганларни излаш бўлимига ва Колумбия омбудсмани идорасига 28 апрель куни, намойишлар бошланганидан то ҳозиргача бедарак йўқолган 379 киши ҳақида маълумотлар юборди», — деб ёзди ташкилот ўзининг Twitter саҳифасида.

Солиқ ислоҳотлари лойиҳаси ҚҚС (қўшилган қиймат солиғи) қўллашни кенгайтириш, қўшимча йиғимларни, аҳоли учун янги солиқларни жорий этиб, бюджетни қўшимча 6,8 миллиард долларга (тахминан ялпи ички маҳсулотнинг 2 фоизи) тўлдиришни назарда тутган эди. Норозилик намойишлари бошлангач президент Иван Дуке ислоҳотлар матнини қайта ишлаб чиқишни буюрди. Намойишлар пайтида энг камида 19 киши вафот этди, 800 дан ортиқ фуқаро жабрланди. 6 май куни намойишчилар Конгресснинг қуйи ва юқори палаталари жойлашган Капитолий биносига бостириб киришга уринди.

Аввалроқ Колумбия президенти Иван Дуке солиқ ислоҳотига қарши норозилик намойишлари бўлиб ўтаётган шаҳарларга ёрдам учун армия юборишини эълон қилган эди.

Мавзуга доир: