Lukashenko noroziliklarni qo‘llab-quvvatlagani uchun 80 nafar sobiq harbiylar va kuchishlatar tizimning sobiq xodimlarini lavozimlardan mahrum qildi

Belarus prezidenti Aleksandr Lukashenko norozilik harakatlarini qo‘llab-quvvatlagan 80 nafar sobiq harbiy va kuchishlatar tizimning boshqa sobiq xodimlarini lavozimlardan mahrum qildi. Bu haqda Belta xabar bergan.

Lukashenko imzolagan farmonda ijtimoiy-siyosiy holat keskinlashgan vaziyatda noqonuniy tadbirlarni tashkillashtirgan va ularda ishtirok etgan, internet tarmog‘iga ekstremistik axborotlarni joylashtirgan kuchishlatar tizimning sobiq xodimlari harbiy lavozimlaridan mahrum qilingan. Shuningdek, namoyishlar vaqtida ularning ayrimlari pogonini yulib otgani va guvohnomalarini uloqtirgani ham qayd etilgan.

Sobiq harbiy va boshqa huquq-tartibot idoralarining sobiq xodimlarining ayrimlariga nisbatan jinoiy ishlar tergov qilinmoqda, xususan, ularning ba’zilari terrorchilik harakatlarini sodir etganlikda ayblanmoqda.

Belarusda 2020-yil avgust oyida bo‘lib o‘tgan prezidentlik saylovlaridan keyin Lukashenko rasmiy ma’lumotlar bo‘yicha g‘olib deb topilgan, ushbu holatdan keyin bir necha oy davomida minglab odamlar saylov natijalariga qarshi namoyishlar o‘tkazgan. Kuchishlatar tuzilmalar norozilik namoyishlarini ayovsiz bostirgan, namoyishchilarni ko‘chaning o‘zida kaltaklab, qamoqxonalarda tergov hibsxonalarida qiynoqqa solgandi.

Belarus muxolifat OAVda kuchishlatar tizimning sobiq vakillari va ayni vaqtda harbiy tuzilmalarda ishlayotgan kishilar tomonidan namoyishchilarga nisbatan zo‘ravonlikni kamaytirish, vaziyatni tinchlik yo‘li bilan hal etish lozimligi ta’kidlangan video va fotosuratlar tarqatilgan. Murojaatlarda harbiylarning ko‘pchiligi zo‘ravonlikka qarshi harakat sifatida pogonlarini yulib otgan.

Avval aprel oyida Rossiya FXB va Belarus DXQ Lukashenkoga suiqasd uyushtirishga tayyorgarlik ko‘rilganini bildirgani, Lukashenko mazkur fitnaga AQShning aloqasi borligini aytgan, Vashington esa Lukashenkoga nisbatan suiqasdga aloqasi borligini rad etgandi. Shuningdek, aprel boshida Belarus davlat xavfsizlik qo‘mitasi Tixanovskayani terrorchilarga aloqador odamlar ro‘yxatiga kiritgan.