Профессионал футбол лигаси (ПФЛ) Суперлиганинг апрель ойидаги энг яхшилари номини эълон қилди.
«Насаф» бош мураббийи Рўзиқул Бердиев апрель ойининг энг яхши мураббийи деб топилди. Қарши клуби Бердиев қўл остида апрель ойида учта ўйинда учта ғалаба қайд этди.
Ушбу соврин учун шунингдек, қуйидаги мураббийлар кураш олиб борганди:- Питер Ҳюистра («Пахтакор») — 2 та ўйин, 2 ғалаба;
- Микаэл Секейра («Локомотив») — 3 ўйин, 2 ғалаба, 1 дуранг;
- Жасур Абдураимов («Металлург») — 3 ўйин, 2 ғалаба.
«Насаф» ярим ҳимоячиси Марко Станоевич эса ойнинг энг яхши ўйинчиси номига лойиқ кўрилган. Сербиялик легионер апрель ойидаги уч ўйинда тўртта гол муаллифига айланди.
Мазкур соврин учун қуйидаги футболчилар ҳам кураш олиб борганди:
- Эрен Дердийок («Пахтакор») — 2 ўйин, 2 гол;
- Шоҳруз Норхонов («Сўғдиёна») — 3 ўйин, 4 гол;
- Драган Черан («Пахтакор») — 2 ўйин, 2 гол;
- Ҳусайн Норчаев («Насаф») — 3 ўйин, 2 гол;
- Диёр Туропов («Локомотив») — 3 ўйин, 2 гол.
Эслатиб ўтамиз, март ойида «Пахтакор» бош мураббийи Питер Ҳюистра ва жамоа ҳимоячиси Иброҳимхалил Йўлдошев ойнинг энг яхшилари қаторида эътироф этилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)