Дибаладан Риберигача. Элдор Шомуродов А Серия 2020/21 йилги мавсумдаги голлари сони бўйича қатор юлдузларни ортда қолдирмоқда

«Женоа» клуби ҳужумчиси Элдор Шомуродов А Серия 34-тури доирасида «Лацио»га қарши кечган баҳсда (3:4) гол уришга эришди.

Бу ўзбекистонлик футболчи учун Италия чемпионати 2020/21 йилги мавсумидаги 5-гол бўлди.

Элдор А Серия жорий мавсумида гол уриш бўйича бир қатор юлдуз футболчиларни ортда қолдирмоқда. Улар орасида «Ювентус» ҳужумчилари Пауло Дибала (3 та гол) ва Деян Кулусевски (4), «Милан» ярим ҳимоячиси Хоқон Чалхонўғлу (4) ҳамда ҳужумчи Браҳим Диас (2), «Интер» вакиллари Иван Перишич (3), Артуро Видаль (2), «Фиорентина» юлдузи Франк Рибери (2) каби футболчилар бор.

Шунингдек, Шомуродов Алексис Санчес («Интер»), Уэстон Маккенни («Ювентус»), Бальде Кейта («Сампдория») ва Тео Эрнандес («Милан») билан бир хил натижа (5 тадан гол) қайд этмоқда.

А Серия тугашига ҳали яна тўртта тур бор генуяликлар қолган турларда «Сассуоло» (9 май), «Болонья» (12 май), «Аталанта» (15 май) ва «Кальяри» (23 май) жамоалари билан ўйнайди.

Мавзуга доир: WhoScored «Лацио» — «Женоа» учрашуви футболчиларининг рейтингини эълон қилди. Элдор Шомуродов генуяликлар сафида энг яхшилардан бири бўлди