«Барселона» ҳужумчиси Лионель Месси Ла Лига 34-тури доирасида 2 май куни «Валенсия»га қарши кечган баҳсда (3:2) пенальтидан фойдалана олмади.
Аргентиналик футболчи 57-дақиқада 11 метрлик жарима зарбасини ижро этди, дарвозабон Яспер Силлессен уни қайтарди, бироқ Месси иккинчи темпдаги ҳужумни голга айлантирди.
Месси фаолияти давомида 29 марта пенальтидан унумли фойдалана олмади (ўйиндан кейинги пенальтилар сериясини инобатга олганда). Футболчи жами 132 марта пенальти ижро этган.
Месси бу борада «Ювентус» форварди Криштиану Роналдуга тенглашиб олди. Португалиялик футболчи 170 уринишда 29 та хато қилган.
Месси жорий мавсум Ла Лигада 32 ўйин ўтказиб, 28 та гол ва 9 та голли узатма муаллифига айланди. Роналду эса А Сериядаги 30 учрашувда 27 та гол ва 3 та ассистни ўз ҳисобига ёздириб қўйди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)