Ўзбекистонда 1 май куни коронавирус инфекциясини юқтириб олиш билан боғлиқ 393 та янги ҳолат рўйхатга олинди. 30 апрель куни 442 кишида коронавирус аниқланиб, кунлик касалланиш бўйича 2021 йилнинг энг юқори кўрсаткичи бўлганди.
Янги касалланиш ҳолатларининг:
- 3 нафари Қорақалпоғистон Республикасида,
- 6 нафари Андижон вилоятида,
- 4 нафари Бухоро вилоятида,
- 8 нафари Жиззах вилоятида,
- 7 нафари Қашқадарё вилоятида,
- 3 нафари Навоий вилоятида,
- 5 нафари Наманган вилоятида,
- 72 нафари Самарқанд вилоятида,
- 4 нафари Сирдарё вилоятида,
- 2 нафари Сурхондарё вилоятида,
- 9 нафари Фарғона вилоятида,
- 8 нафари Хоразм вилоятида,
- 46 нафари Тошкент вилоятида,
- 216 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.
Ўтган бир сутка ичида, Қорақалпоғистонда 3 нафар, Бухоро вилоятида 8 нафар, Жиззах вилоятида 19 нафар, Қашқадарё вилоятида 1 нафар, Навоий вилоятида 5 нафар, Наманган вилоятида 8 нафар, Самарқанд вилоятида 64 нафар, Сирдарё вилоятида 11 нафар, Сурхондарё вилоятида 17 нафар, Фарғона вилоятида 2 нафар, Хоразм вилоятида 5 нафар, Тошкент вилоятида 44 нафар, Тошкент шаҳрида 128 нафар бемор тузалиб, касалликдан соғайганлар жами 87 628 нафарга етди ва соғайиш кўрсаткичи 96 фоизни ташкил қилмоқда.
Шунингдек, 2 нафар коронавирусга чалинган бемор вафот этиб, касалликдан вафот этганлар сони 652 нафарни ташкил қилди. Айни пайтда тиббиёт муассасаларида 3363 нафар бемор даволанмоқда.
Аввалроқ талабалар орасида коронавирус инфекцияси аниқлангани сабабли яна учта — Тошкент, Самарқанд ва Андижондаги олийгоҳлар масофавий таълим тизимига ўтказилгани, Сирдарёдаги ўқув муассасалари 14 кунлик масофавий таълимга ўтгани, Тошкентдаги 107 та мактабда ўқув жараёнлари онлайн шаклга ўтказилгани, Самарқанд шаҳридаги барча мактаб ва боғчалар 27 апрелдан бошлаб онлайн тизимга ўтгани ҳақида хабар берилган эди.
Изоҳ (0)