Андижон туманида 149 тонна картошкаларни сотиб, пулини талон-торож қилиб юборганлар ушланди. Бу ҳақда Бош прокуратура ҳузуридаги департамент матбуот хизмати хабар қилди.
Маълум қилинишича, департаментнинг Андижон туман бўлими томонидан «Агробанк» АТБ Андижон вилояти филиали ва Андижон туман ҳокимлигининг мурожаатларига асосан терговга қадар текширув ўтказилди.
Унга кўра, Андижон туманидаги «Куйганёр деҳқон бозори» МЧЖ раҳбари У.Х. ва бошқалар қиш-баҳор мавсумида қишлоқ хўжалиги маҳсулотларини захира қилиш мақсадида «Агробанк» АТБ Андижон филиали томонидан ажратилган кредит маблағи ҳисобидан харид қилинган 646,6 млн сўмлик 149 тонна картошкани сотиб юбориб, сотувдан тушган пулларни кредит қарздорлигини сўндиришга йўналтирилмасдан талон-торож қилганликлари аниқланган.
Мазкур ҳолат юзасидан У.Х. ва бошқаларга нисбатан Жиноят кодексининг 167-моддаси (талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Бундан Қашқадарёда 75 млрд сўм бюджет маблағлари талон-торож қилингани, бош прокурор Ўзбекистонда 2020 йил ер билан боғлиқ масалаларда қанча мансабдор жавобгарликка тортилганини маълум қилгани ҳамда Бухорода фермер хўжаликларига ажратилган салкам 150 млн сўмлик дизель ёқилғисини талон-торож қилган шахсларга жиноят иши қўзғатилгани ҳақида хабар берилганди.
Изоҳ (0)